به‌رسڤێت دور نڤێژێ و پرسێت پێڤه‌ گرێداى

ب : هه‌ركه‌سێ نڤێژ ژێ چوبون و بزانیت چه‌ند ژێ چوینه‌ باشتر ئه‌وه‌ نڤێژیت خۆ قه‌زاكه‌ت و مژیلی قه‌زاكرنا وان بیت هه‌تا پشتراست دبیت نڤێژێت ل سه‌ر خۆ و یێت ژێ چوین هه‌می كرن و قه‌زاكرن و ئه‌ڤه‌ بوچونا جمهورێ زانایانه‌ و هه‌ر چه‌ند هنده‌ زانا دبێژن هه‌كه‌ نڤێژ بێ عوزر ژێ چوبن و بوخۆ توبه‌كربیت ته‌وبا وی به‌سی وییه‌ و ل سه‌ر وییه‌ داهاتی پێگربیت و نڤێژا ژ خۆ نه‌به‌ت و سونه‌تا ئاسایی بكه‌ت چ یێت ره‌واتب چ یێت دی و یێت ڤه‌كری و یێت بێ ناڤ چونكی دحه‌دیسا صه‌حیحدا هاتیه‌ تشتی ئێكێ حسێبا به‌نده‌ی ل سه‌ر دهێته‌ كرن نڤێژه‌ هه‌كه‌ تێدا سه‌رفه‌رازبو ئه‌و ب سه‌ركه‌فت و هه‌كه‌ تێدا سه‌رفه‌راز نه‌بوو ئه‌و كه‌فت و خساره‌تبوو و هه‌كه‌ نڤێژێت وی كێماسی تێدا هه‌بیت خودایێ مه‌زن دێ بێژته‌ ملیاكه‌تان به‌رێ خۆ بده‌نه‌ سونه‌تێت به‌نده‌یێ من بدانه‌ جهێ كێماسیێت نڤێژێت وی و هو سا هه‌می كارێ وی، ئیمامێ ترمزی ڤه‌گێرایه‌ و ئه‌لبانی خودێ ژێ رازی بیت دورستكریه‌ و ب راستی ئه‌ز ڤێ بوچونی ب هێزتر د دانم چونكی من یێت دیتین سونه‌ت نه‌كرینه‌ ژ به‌ر قه‌زا یێت ل سه‌ر و قه‌زا ژی نه‌كرینه‌ و فه‌رزا خۆ ب تنێ دكه‌ت ژ به‌ر ڤێ گوتنا یا دبێژیت دڤێت فه‌رزێت خۆ بكه‌ت هه‌تا بشێت سونه‌تان بكه‌ت ڤێجا نه‌ وێ دكه‌ت و نه‌ وێ و خودێ چێتر دزانیت.