ب : ده‌ف جمهورێ زانایان ئه‌ڤ گۆتنه دوو جاران پشتی (حی علی الصلاة) دبانگێ سپێدێدا سونه‌ته و دورسته و هه‌كه هاته گۆتن دورسته و خێر ب دیستخۆڤه ئینا، هه‌كه نه گۆت بانگێ دورسته و خێر ژ خۆ بر، و چه‌ند حه‌دیس به‌لگه ل سه‌ر ڤێ چه‌ندێدا هاتینه، ژ وان ئه‌بو مه‌حذوره دبێژیت: من بانگ بۆ پێغه‌مبه‌ری سلاڤێت خودێ ل سه‌ربن د دا و دبانگێ سپێدێدا من دگۆت حی علی الفلاح الصلاة خیر من النوم الصلاة خیر من النوم الله اكبر الله اكبر لا اله الا الله. ئه‌بو داود و نه‌سائێ ڤه‌گێرایه و ئه‌لبانی دورستكریه و ئبن عومه‌ر خودێ ژێ رازی بیت دبێژیت دبانگێ ئێكێدا بشتی (حی علی الفلاح) (الصلاة خیر من النوم) هه‌بوو، ئه‌لبانی دبێژیت طه‌حاوی ب سه‌نه‌ده‌كا حه‌سن ئینایه. هه‌لبه‌ت مه‌به‌ست ب بانگێ ئێكێ بانگێ سپێدێیه پشتی سپێده ده‌ردكه‌ڤیت نه بانگێ ته‌هه‌جودایه هه‌روه‌كی هندوك هزردكه‌ن؛ چونكی بانگێ ئێكێ به‌حسێ بانگێ سپیدێیه و بانگێ دویێ به‌حسێ ئیقامییه.
و ئه‌وێت ڤێ گوتنێ سونه‌ت ددانن ئه‌ڤه‌نه عومه‌رێ كورێ خه‌تابی و كورێ وی خودێ ژ هه‌ردوویان رازی بیت و ئه‌نه‌س و حه‌سه‌نێ به‌صری و ئبن سیرین و زوهری و ثه‌وری و ئیسحاق و ئه‌بو ثه‌ور و ئه‌ڤه بوچونا حه‌نه‌فیان و مالكیان و حه‌نبه‌لیان و شافعیانه و شافعی دگۆتنا خۆ یا نیدا مه‌كروھ دانایه و بوچونا جمهوری دورستتره.
