ب : هه‌ر چوار سه‌ر مه‌زهه‌ب ئیمام ئه‌بو حه‌نیفه و ئیمام مالك و ئیمامێ شافعی دڤه‌گێره‌كێدا نه بیت و ئیمام ئه‌حمه دڤه‌گێره‌كێدا نه‌بیت دگه‌ل هندێنه چ تشت پشتی فاتحی دركعه‌تا سێیێ و چوارێدا نا هێته خواندن، و به‌لگه‌یێ وان ڤه‌گێرا بوخاری و موسلمیه ژ ئه‌بی قه‌تاده دبێژیت: (أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ يَقْرَأُ فِي الرَّكْعَتَيْنِ الْأُولَيَيْنِ مِنَ الظُّهْرِ وَالْعَصْرِ، بِفَاتِحَةِ الْكِتَابِ وَسُورَةٍ وَيُسْمِعُنَا الْآيَةَ أَحْيَانًا، وَيَقْرَأُ فِي الرَّكْعَتَيْنِ الْأُخْرَيَيْنِ بِفَاتِحَةِ الْكِتَابِ) پێغه‌مبه‌ری سلاڤێت خودێ ل سه‌ربن دركعه‌تا ئیكێ و دویێدا ژ نڤێژا نیڤرو و ئێڤاری پشتی فاتحێ سوره‌ته‌ك دخواند و هنده جاران ئایه‌ت گولی مه دكر و دهه‌ر دوو ركعه‌تێت دوماهیكێدا به‌س فاتحه دخواند، هه‌رچه‌نده ئیمامێ شافعی وئیمام ئه‌حمه‌د دڤه‌گێره‌كێدا دبێژن: دورسته سوره‌ته‌ك بێته خواندن پشتی فاتحێ د ركعه‌تا سێیێ و چوارێدا ژ به‌ر ڤه‌گێرا موسلمی ئه‌وا ئه‌بو سه‌عیدێ خودری ڤه‌گوهازتی دبێژیت: (أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ يَقْرَأُ فِي صَلَاةِ الظُّهْرِ فِي الرَّكْعَتَيْنِ الْأُولَيَيْنِ فِي كُلِّ رَكْعَةٍ قَدْرَ ثَلَاثِينَ آيَةً ، وَفِي الْأُخْرَيَيْنِ قَدْرَ خَمْسَ عَشْرَةَ آيَةً أَوْ قَالَ نِصْفَ ذَلِكَ - وَفِي الْعَصْرِ فِي الرَّكْعَتَيْنِ الْأُولَيَيْنِ فِي كُلِّ رَكْعَةٍ قَدْرَ قِرَاءَةِ خَمْسَ عَشْرَةَ آيَةً وَفِي الْأُخْرَيَيْنِ قَدْرَ نِصْفِ ذَلِكَ) به‌لێ هه‌ر وه‌كی ئه‌م دبینین ئه‌ڤه نه‌یا ئاشكرایه كو پێغه‌مبه‌ری تشته‌ك تێدا خواندیه به‌س نیشانه پێغه‌مبه‌ر سلاڤێت خودێ ل سه‌ربن هند ما، و ڤه‌گێرا ئه‌بو قه‌تاده‌یی یا بوخاری و موسلمی هه‌ردوكان ڤه‌گێرایی یا ئاشكه‌رایه د ركعه‌تا ئێكێ و دویێ تنێدا پێغه‌مبه‌ری سلاڤێت خودێ ل سه‌ربن پشتی فاتحێ هنده قورئانا د خواند ژ به‌رهندێ ئه‌م دبێژین بوچونا ئێكێ یا جمهوری دورستتره و ئه‌و ڤه‌گێرا ئبن ئه‌بی شه‌یبه ئینای ئیمام ئه‌بو به‌كری خودێ ژێ رازی بیت دنڤێژا مه‌غره‌بدا د ركعه‌تا سیێیێدا ئه‌ڤه خاندیه (رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ) زانا دبێژن ئه‌ڤه وه‌كی دوعایا یا خواندی نه وه‌كو قورئان خواندن و خودێ چێتر دزانیت.
