ب : ئه‌رێ هه‌كه ل سه‌ر نڤێژێ بێهنژی كا دێ حه‌مدا خودێ كه‌ت یان نه و چاوا دێ كه‌ت؟ ئه‌ڤه ل ده‌ف زانایان جهێ نه‌لێكێیه، جارا ئێكێ هه‌می زانا ئێكن خۆ ئه‌وێت دبێژن موسته‌حه‌به ژی حه‌مه‌دا خودێ بكه‌ت دبێژن گۆتنا الحمد لله ل سه‌ر وی واجب نینه و هه‌كه نه‌گۆت نه‌یێ گونه‌هكاره و چو ل سه‌ر نینه، و كا بێژیت و چاوا بێژیت زانا دبێژن:
ئێك: نابیت خۆ د دلێ خۆدا ژی بێژیت: الحمد لله، و ئه‌ڤه بوچونا سه‌حنونه ژ مالكیان؛ چونكی نابیت چ تشت ژ بلی خواندنیت نڤێژێ بچنه تێدا.
دوو: سونه‌ته بێژیت: الحمد لله، به‌لێ ددلێ خۆدا و ئه‌ڤه بچونا شافعیانه و مالكیان.
سێ: موسته‌حه‌به ب ده‌نگێ نزم وی ل گول خۆ هه‌بیت بێژیت الحمد لله، چ د نڤێژا فه‌رزدا بیت یان یا سونه‌ت؛ چونكی دحه‌دیسا دورستدا هاتیه رفاعه‌یێ كورێ رافعی خودێ ژێ رازی بیت پشتی ژ ركوعێ رابوی دنڤێژه‌كێدا ل گه‌ل پێغه‌مبه‌ری سلاڤێت خودێ ل سه‌ربن گۆت: (الحمد لله حمدا كثيرا طيبا مباركا فيه مباركا عليه كما يحب ربنا ويرضى) پشتی پێغه‌مبه‌ری سلاڤێت خودی ل سه‌ربن نڤیژ كری گۆت : ئه‌و كی بوو ئه‌و ئاخفتن كری؟ كه‌سێ ده‌ینه‌كر، سێ جاران گۆت جارا سێیێ من گۆت: ئه‌ز بووم یا پێغه‌مبه‌رێ خودێ، ئینا گۆت من دیت سیھـ و هنده ملیاكه‌ت هاتنێ كاد ێ كی زوتر بلندكه‌ت، ئه‌ڤه به‌لگه‌یه، دورسته ب ئاشكرایی حه‌مدا خودێ بكه‌ت، و ئه‌ڤه بوچونا ئیمام ئه‌حمه‌د و نه‌خه‌عییه.
چوار: د نڤێژا سونه‌تدا ب ئاشكرایی بێژیت دورسته و یافه‌رز نابیت ب ئاشكرایی و دڤێت د دولدا بیت، و ئه‌ڤ بوچونه ئیمام ترمذی پالدده‌ته هنده زانایان بێ ناڤ ئینان چونكی پتر ژ تابعیه‌كێ هاتیه دنڤێژا ڤه‌رزدا دێ دگه‌ل بێهنژكێ دێ دلدا بێژی: الحمد لله، و ژڤێ زێده‌تر نه‌گۆتینه، به‌لێ د ڤه‌گێرا بوخاریدا هاتیه ئه‌وی نڤێژ پشت پێغه‌مبه‌ری سلاڤێت خودێ ل سه‌ربن دكر، و ئه‌ڤه به‌لگه‌یه نڤیژا فه‌رز بوو نه یا سونه‌ت، به‌لكی دڤه‌گێرا طه‌به‌ریدا هاتیه نڤێژا مه‌غره‌ب بوو، و ئبن حه‌جه‌ر دبێژیت سه‌نه‌ده‌كا باشه، ژ به‌ر هندێ موباره‌كفوری دبێژیت: ئه‌ڤه به‌لگه‌یه ل سه‌ر وی یێ دبێژیت ئه‌و صه‌حابی یێ حه‌مد دنڤێژێدا كری نڤێژا وی سونه‌ته‌ت بوو، و دیسا به‌لگه‌یه ل سه‌ر حه‌مدكرنا خودێ دنڤێژێدا ب ده‌نگ ل گه‌ل بێهنژكێ موسته‌حه‌ببه چ ئه‌و نڤێژ یا فه‌رزبیت یا سونه‌ت، و خودێ دزانیت.
