ب : ئه‌وێ ل گه‌ل وی نڤێژێ دكه‌ت یان دنڤێژێدا بیت نابیت ئه‌و ته‌شمیتا وی بكه‌ت و بێژیتێ یرحمك الله چونكی صه‌حابه‌كێ دنڤێژه‌كێدا وه‌كر پێغه‌مبه‌ری سلاڤێت خودێ ل سه‌ربن نه‌هیا وی كر ئه‌و جاره‌كا دی وه بكه‌ت، به‌لێ هه‌كه ئێكێ ده‌رڤه‌ی نڤێژێ ته‌شمیتا وی كر، و گۆتێ یرحمك الله، هنگی ئه‌و دنڤێژێدا نابیت ئه‌و به‌رسڤا وی بده‌ت، هه‌تا نڤێژا خۆ ب دوماهی دئینیت، پشتی خلاسدكه‌ت، بلا به‌رسڤا وی بده‌ت، هه‌رچه‌ند هنده زانا دورستكریه بێژیت: یرحمه الله، نه بێژیت: یرحمك الله، چونكی یرحمه الله ئاخفتنه ل گه‌ل خودێ و یرحمك الله ئاخفتنه ل گه‌ل مرۆڤان و ئه‌ڤه نڤێژێ به‌تالدكه‌ت و ئه‌ز ل گه‌ل ڤێ بوچونێ نینم خودێ چێتر دزانیت.
