ب : ب راستی زانا د ژێك جودانه ل سه‌ر هندێ، كا ته‌یه‌موم جهێ ئاڤێ دگریت د هه‌می تشتاندا یان به‌س د وی ده‌میدا دورستدكه‌ت نه كۆ به‌رده‌وام، و یێت ب دیتنا دویێ به‌رێ خۆ دده‌نه ته‌یه‌مومێ، دبێژن: نا بیت دوو نڤێژ ب ئێك ته‌یه‌موم بێنه‌كرن و هه‌ر نڤێژه‌كێ دێ ته‌یه‌مومه‌كا نوی بۆ گری و نا بیت دوو نڤێژان پێ كورتكه‌ی و كومكه‌ی، و ئه‌ڤه بوچونا شافعی و مالكییه خودێ ژهه‌ردوویان رازی بیت و گۆتنا نه‌خه‌عی و قه‌تاده و ره‌بیعه‌یه.
و یێ دیتنا ئێكێ دبینیت كو ته‌یه‌موم جهێ ئاڤێ دگریت دهه‌می تشتاندا دبێژن: هنگی ته‌یه‌موما خو نه شكێنیت بۆ هه‌یه ئه‌و نڤێژان ب وێ ته‌یه‌مومێ بكه‌ت و دیسا بو هه‌یه ئه‌گه‌ر رێڤینگ بیت ئه‌و كومكه‌ت و كوردكه‌ت و ئه‌ڤه بوچونا حه‌نه‌فیانه و گۆتنا موزنیێه ژ شافعیان و ب راستی ئه‌ز ڤێ بوچونێ ب هێزتر ددانم؛ چونكی پێغه‌مبه‌ر سلاڤێت خودێ ل سه‌ربن، د جوت دورساندا (بوخاری و موسلمیدا) دبێژیت: (وجعلت لي الأرض مسجدا وطهورا) و ئاخ و ته‌یه‌موم وه‌كی ئاڤێ پاقژكه‌ر دانا و دیسا دبێژیت: (الصَّعِيدُ الطَّيِّبُ وَضُوءُ الْمُسْلِمِ وَلَوْ إِلَى عَشْرِ سِنِينَ) ئاخا پاقژ ده‌ستنڤیژگره بۆ موسلمانی خۆ هه‌تا ده‌ھ سالان، هه‌لبه‌ت ئه‌ڤه هنگی ئاڤێ نه‌بینیت یان نه‌شێت بكار بینیت و بن باز ژی خودێ ژێ رازی بیت ڤێ بوچونێ د هه‌لبژێریت و خودێ چێتر دزانیت.
