ب : رامانا ئامین ئه‌ڤه‌یه: یا خودێ ژ من وه‌رگره و قه‌بویلكه، و ئه‌ڤه باشه دویف دوعایایاندا بێته گۆتن، چ مرۆڤ دوعایێ بكه‌ت و چ ژ ئێكێ دی گولێ ببیت و زانا دبێژن: دورسته تو پتر ژ جاره‌كێ دوو جاران یان سێ جاران پشتی دوعایێ بێژی ئامین ئامین ئامین، یان بێژی: (اللهم ئامین) یان بێژی: یا خودێ ئامین، یان بێژی: (ئامین یا رب العالمین) یان بێژی: یا خودێ قه‌بویلكه و وه‌رگره، ئه‌ڤه هه‌كه دوعا ده‌رڤه‌ی نڤێژێ بێته‌كرن، به‌لێ كا دورسته ئه‌م زێده‌تر ژ (ئامین) دنڤێژێدا بێژین، ل ده‌ف شافعیان زێده‌كرنا (اللهم) به‌ری ئامین یان (یا رب العالمین) پشتی ئامین نڤێژێ به‌تال ناكه‌ت ئیمامێ شافعی د ككتێبا ئومدا دبێژیت: (ولو قال مع: آمين رب العالمين، وغير ذلك من ذكر الله كان حسنا، لا يقطع الصلاة شيء من ذكر الله) هه‌كه ل گه‌ل ئامین ( رب العالمین) زێده‌كه‌ت و بیژیت باشه و ئه‌ڤه زكرێ خودێیه چو ژێ نڤێژێ به‌تالناكه‌ت، به‌لێ ل ده‌ف حه‌نبه‌لیان نه باشه ئه‌م زكره‌كێ دی دنڤێژێدا ژ ئامین زێده‌كه‌ین نه به‌ری وێ نه پشتی وێ چونكی پێغه‌مبه‌ر سلاڤێت خودێ ل سه‌ربن دبێژیت: (إِذَا قَالَ الإمَامُ غَيْرِ الْمَغْضُوبِ عَلَيْهِمْ وَلا الضالين فقولوا آمين ) هه‌كه ئیمامی گۆت (ولا الضالین) بێژن ئامین و نه زێده‌تر و نه كێمتر و ئه‌ڤه به‌لگه‌یه زێده‌تر ژێ نه‌باشه و ئه‌ز ڤێ بوچونێ ب هێزتر دبینم هه‌رچه‌نده یێ ده‌ڤێ وی كه‌ڤتبیته سه‌ر بێژیت اللهم ئامین یان ئامین یا رب العالمین چو تێدا نینه و كێماسی پێ ناكه‌ڤیته نڤێژێ و خودێ چێتر دزانیت.
