ب : ئه‌ڤه ژ پێغه‌مبه‌ری سلاڤێت خودێ ل سه‌ربن نه‌هاتیه زانین، و ژ چو صه‌حابان ژی نه هاتیه زانین، ژ به‌ر هندێ ئه‌ڤه نه كاره‌كێ باشه، و هه‌كه هاته‌كرن، نڤێژ پێ به‌تال نابیت، چونكی ژ زكری دهێته هه‌ژمارتن، و نه ژ ئاخفتنا ئاسایی یا خه‌لكی، هه‌ر چه‌نده ژ سێ تابعیان هاتیه زانین ئه‌ڤ دوعایه (اللهم اغفر لی) پشتی ( ولا الضالین) دگۆت، ئه‌وژی ئه‌ڤه‌نه. ئیبراهیمێ نه‌خه‌عی و وره‌بیعێ كورێ خه‌ثیه‌می و ئه‌ڤه ئبن ئه‌بی شه‌یبه د موصه‌نه‌فێدا ئینایه و سه‌عیدێ كورێ جوبه‌یری هه‌ر وه‌كی ئیمام زوهری ئه‌ڤه د طه‌به‌قات ولكوبرادا ئینای هه‌رچه‌نده ئه‌ڤ هه‌ر سێ زانایه ژ تابیعینانه و جھـ و رێز و قه‌درێ وان یێ پارازتیه به‌لێ نه گۆتنا ڤێ دوعایێ دورستتره، و نه‌باشه ئه‌و گۆتن بێته گۆتن؛ چونكی ده‌مێ خه‌لك دبێژن ئامین نیه‌ت و مه‌به‌ستا هه‌میان ئامینه ل سه‌ر ده‌عایا ئیمامی د فاتحێدا كری (اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عليهم غَيْرِ الْمَغْضُوبِ عليهم) نه ل سه‌ر دوعایا پاشنڤێژ د دلێ خۆدا دبێژیت: (اللهم اغفر لی) و خودێ چێتر دزانیت.
