ب : مرۆڤێ ل چولی یێ ریڤینگه و دوه‌غه‌رێدایه و ده‌مێ وی یێ ته‌نگه و مژویلی وغه‌را خۆیه؛ ژ به‌ر هندێ خودایێ مه‌زن گه‌له‌ك فه‌رمان ل سه‌ر وی یێت سڤككرین، ژ وان: نڤێژا خوتبێ ل سه‌ر واجب نینه، و نڤێژا ب جه‌ماعه‌ت ل دویف بوچونا جمهورێ زانیان ژ بلی حه‌نبه‌لیان ل سه‌ر واجب نینه، و نڤێژا چار ركعه‌ت بۆ هه‌یه ب كه‌ته دوو ركعه‌ت، و بۆ هه‌یه نڤێژان كورت و كومكه‌ت، ئه‌ڤه هه‌می؛ دا ل سه‌ر گران نه‌بیت، ژ ڤێ رامانێ خودایێ مه‌زن ڤیا نڤێژا چولی ل به‌ر شرین كه‌ت و سڤككه‌ت و هشیاری نڤێژا خۆ بكه‌ت و ب هجه‌ت ده‌می و ته‌نگاڤیێ ژ خۆ نه‌به‌ت پێغه‌مبه‌رێ خودێ سلاڤێت خودێ ل سه‌ربن دبێژیت: (الصَّلاةُ في جَمَاعَةٍ تَعْدِلُ خَمْسًا وَعِشْرِينَ صَلاةً فإذا صَلاهَا في فَلاةٍ فَأَتَمَّ رُكُوعَهَا وَسُجُودَهَا بَلَغَتْ خَمْسِينَ صَلاةً) هه‌لبه‌ت ئه‌ڤ حه‌دیسه ئیمام داود و حاكمی ڤه‌گێرایه و ئیمام حاكم دبێژیت دویف مه‌رجێت بوخاری و موسلمی یا دورسته، و زه‌یله‌عی و ئه‌لبانی دورست دانایه، و رامانا وێ ئه‌ڤه‌یه، نڤێژا ب جه‌ماعه‌ت به‌رامبه‌ر بیست پێنج نڤێژانه، و هه‌كه نڤێژ ل چولی كر و ركوع دورست بر و سوجده دورست بر گه‌هشته پێنجی نڤێژان ئانكو خێرا پێنجی نڤێژان، و هنده زانا دبێژن چونكی نڤێژا ب جه‌ماعه‌ت ل سه‌ر رێڤینگی نه واجبه و یێ مژیلی وه‌غه‌را خۆیه و ل گه‌ل هندێ ژی هه‌كه هشیاری نڤێژا خۆ بیت و نڤێژا خۆ بكه‌ت خودێ دێ بیست و پێنج خێران بۆ نڤیسیت و هه‌كه ئه‌و نڤێژ د وه‌غه‌رێدا ب جه‌ماعه‌ت كر ل مزگه‌فتێ هه‌كه ده‌ست بده‌ت؛ چونكی نڤێژا مزگه‌فتێ ب خێرتره، و هه‌كه ده‌ست نه‌دا ل چولی ب جه‌ماعه‌ت بكه‌ت پێنجی خێر دێ بۆ هێنه نڤیسین، بیست و پێنج بۆ كرنا نڤێژێ د وه‌غه‌رێدا و بیست پێنجێت دی به‌رامبه‌ر كرنا وێ نڤێژێ ب جه‌ماعه‌ت به‌لێ ڤێره فه‌ره ئه‌م دورستاهی ل حه‌دیسێ ب گه‌هین ئه‌ڤ خێره بۆ وییه یێ د وغه‌رێدا بیت و نه ژ مه‌به‌ستا نڤێژكرنێ وه‌غه‌رێ بكه‌ت هو بچیته چولی و خودێ چێتر دزانیت.
