ب : ئه‌م به‌نده‌یێت خودێینه مالێت خوبین یان د وه‌غاراندا بین، دڤێت به‌نده‌یاتیا خۆ ژ بیر نه‌كه‌ین، و به‌ر فه‌رمانێت خودایێ خۆ بین، پێغه‌مبه‌رێ خوشتڤی سلاڤێت خودێ ل سه‌ربن دبێژیت: (اتَّقِ اللَّهَ حَيْثُمَا كُنْتَ) ژ خودێ بترسه و ته‌قوا خودێ بكه هه‌ر جهێ تۆ لێ بی د وه‌غه‌رێدا بی، ب تنێ بی، د ناڤ مرۆڤاندا بی، ل چوله‌كێ بی، هه‌ر جهێ لێ بی، و ل گه‌ل هندێ ژی خودایێ مه‌زن كاودانێت ئه‌م تێرا دبورین به‌رچاڤ وه‌رگرتینه و فه‌رمان ل سه‌ر مه سڤككرینه، و ژ كاودانێت په‌رستن سڤككه‌ر وه‌غه‌ره و خودێ مه‌زن ژ مه‌زناتیا دلوڤانیا خۆ ئه‌م ژ خیرا په‌رستنان ئه‌وێت مه به‌ری وه‌غه‌رێ ل مالا خۆ دكرن بێ بارنه‌كرینه ئه‌گه‌ر وه‌غه‌رێ و مژیلیا وێ رێ نه‌دا ئه‌م وان په‌رستنان بكه‌ین، پێغه‌مبه‌ر سلاڤێت خودوێ ل سه‌ربن د ڤه‌گه‌را بوخاریدا دبێژیت: (إذا مَرِضَ الْعَبْدُ أو سَافَرَ كُتِبَ له مِثْلُ ما كان يَعْمَلُ مُقِيمًا صَحِيحًا) هه‌كه به‌نده نه‌ساخ بوو یان وه‌غه‌ركر ئه‌و كارێ ده‌مێ ل مال و سلامه‌تیێدا دكر بۆ هاته نڤیسین ب راستی ئه‌ڤه مزگینی و دلخوشكه‌ره‌كا مه‌زنه بۆ نه‌ساخ و ریڤینگان دلخوش ببن، خێرا وێ په‌رستنا ل مال و سلامه‌تیێدا دكر به‌رده‌وام دێ بۆ وان دوه‌غه‌ر و نه‌خوشیێدا هێته نڤیسین بلا ئه‌و وێ په‌رستنێ نه‌كه‌ن ژی، دیسا حه‌دیس هاتینه نڤێژا ل چولی مرۆڤ بكه‌ت نه‌خاسمه ب جه‌ماعه‌ت خێرا پێنحی نڤێژان دێ بۆ هێته نڤیسن دڤه‌گێرا حاكم و ئه‌بو داوددا هاتیه پیغه‌مبه‌ر سلاڤێت خودێ ل سه‌ربن دبیژیت: (الصَّلاةُ في جَمَاعَةٍ تَعْدِلُ خَمْسًا وَعِشْرِينَ صَلاةً فإذا صَلاهَا في فَلاةٍ فَأَتَمَّ رُكُوعَهَا وَسُجُودَهَا بَلَغَتْ خَمْسِينَ صَلاةً) زه‌یله‌عی و ئه‌لبانی دورست دانایه، و رامانا وێ ئه‌ڤه‌یه، نڤێژا ب جه‌ماعه‌ت به‌رامبه‌ر بیست پێنج نڤێژانه، و هه‌كه نڤێژ ل چولی كر و ركوع دورست بر و سوجده دورست بر گه‌هشته پێنجی نڤێژان ئانكو خێرا پێنجی نڤێژان، و دڤه‌گێرا عه‌بدولره‌زاقیدا دموصه‌نه‌فێدا هاتیه پێغه‌مبه‌ر سلاڤێت خودێ ل سه‌ربن دبێژیت: (ذا كان الرجل بفلاة من الأرض فأذن، وأقام وصلى صلى معه أربعة آلاف من الملائكة أو أربعة آلاف ألف من الملائكة) هه‌كه مرۆڤ ل چوله‌كێ بیت و بانگی بده‌ت و قامه‌تێ بگریت و نڤێژی بكه‌ت چار هزار ملیاكه‌ت یان چار ملیون ملیاكه‌ت نڤێژێ دێ ل گه‌ل كه‌ن، و دڤه‌گێرا طه‌به‌رانیدا د موعجه‌ما كه‌بیردا هاتیه پێغه‌مبه‌ر سلاڤێت خودێ ل سه‌ربن دبێژیت: (ذا كان الرجل بأرض قي فحانت الصلاة فليتوضأ، فإن لم يجد ماء فليتيمم، فإن أقام صلى معه ملكاه، وإن أذن وأقام صلى خلفه من جنود الله ما لا يرى طرفاه) هه‌كه مرۆڤ ل ئه‌رده‌كێ چول بیت و ده‌مێ نڤێژی هات بلا ده‌ستنڤێژێ بشوت و ئه‌گه‌ر ئاڤ نه‌دیت بلا ته‌یه‌مومێ بكه‌ت و ئه‌گه‌ر نڤێژ كر هه‌ردوو ملیاكه‌تێت وی دێ ل گه‌ل كه‌ن و هه‌كه بانگدا و قا‌مه‌ت ئینا هند سه‌رباز ژ چیكریێت خودێ دێ نڤێژێ ل گه‌ل كه‌ن چاڤێت وی قه‌تره‌نه‌كه‌ن و خودێ چێتر دزانیت.
