ب : پێدڤییه ئه‌م بزانین كورتكرن و كومكرن دوو تشتێت ژێك جودانه و مه‌رج نینه هه‌می ده‌مان پێكڤه بن و ئه‌گه‌را وان ئێك بن كورتكرنا نڤێژان چار ركعه‌تی بۆ دوو ركعه‌تان ئه‌ڤه‌رێ وێ وه‌غه‌ر تنێیه و نابیت بۆ چ ئه‌گه‌رێت دی بێته كورتكرن و كومكرن ئه‌گه‌رێ وێ ته‌نگاڤی و هه‌وجه‌یی و زحمه‌ته و ئه‌ڤه د وه‌غه‌رێدا یا هه‌ی و ده‌رڤه‌ی وه‌غه‌رێدا ژی یا هه‌ی ئانكو ژ بلی وه‌غه‌رێدا نڤێژ نا ئێته كورتكرن (قه‌صركرن) و كومكرن د وه‌غه‌رێدا و ده‌رڤه‌ی وه‌غه‌رێدا ژی دهێته كومكرن ئه‌گه‌ر هوجه‌ی بۆ هه‌بیت و هه‌وجه‌یێ خوازت چ باران بیت یان نه‌ساخی بیت یان هه‌ر ته‌نگاڤیه‌كا هه‌بیت به‌لێ بێ عوزر و هه‌وجه‌ی نابیت نڤێژ بێته كومكرن و ژ ده‌یمێ وێ بێته ده‌رێخستن چونكی خودایێ مه‌زن دبێژیت: (إِنَّ الصَّلاةَ كَانَتْ عَلَى الْمُؤْمِنِينَ كِتَاباً مَّوْقُوتاً) نڤێژان ده‌مێ خۆ یێ دیاركری هه‌ی و نابیت ب ده‌نه سه‌ر وی ده‌می دپێشئیخستن و د پاشئێخستنێدا و ئه‌و زانایێت ژ به‌ر هه‌وجه‌یێ دورستكری نڤێژ بێته كومكرن پشت ب ڤه‌گێرا ئبن عه‌باسی خودێ ژێ رازی بیت یا د موسلمێدا هاتی به‌ستینه ده‌مێ دبێژیت: (جَمَعَ رسول اللَّهِ صلی الله علیه وسلم بين الظُّهْرِ وَالْعَصْرِ وَالْمَغْرِبِ وَالْعِشَاءِ بِالْمَدِينَةِ في غَيْرِ خَوْفٍ ولا مَطَرٍ) پێغه‌مبه‌ری سلاڤێت خودێ ل سه‌ربن ل مه‌دینه‌یێ و نه ژ بارانێ و نه ژ ترسێ نڤێژ دناڤبه‌را نیڤرۆ و ئیڤاریدا و دناڤبه‌را مه‌غره‌ب و عه‌یشاندا كومكر، و ب دوو مه‌رجان ئه‌و كومكرن دورستكر ئێك هه‌وجه‌یی بخوازیت ته‌نگاڤی بیت نه‌ساخی بیت باران بیت یا گرنگ هه‌وجه‌یی بۆ هه‌بیت و مه‌جێ دوویێ: به‌رده‌وامیێ نه‌ده‌تێ و بۆ خۆ نه‌كه‌ته عاده‌ت و ئه‌ڤه بوچونا ئبن سیرین و ئه‌شهه‌به ژ مالكیان و قه‌فالی و ئه‌بی ئیسحاقێ مروزی ژ شافغیان وكومه‌كا حه‌دیسزانان هه‌روه‌كی خه‌ططابی ژ وان ڤه‌گوهازتی و مونزری و نه‌وه‌وی و ئبن ته‌یمیه ئه‌ڤ هه‌لبژارتیه به‌لێ هه‌كه هه‌وجه‌یی نه‌بیت نه دورسته چونكی ژ ئه‌بو موسایێ ئه‌شعه‌ری و عومه‌رێ كورێ خه‌طابی خودێ ژ هه‌ردوكان رازی بیت د موصه‌نه‌فا ئه‌بی شه‌یبه‌دا هاتیه : (الجمع بين الصلاتين من غير عذر من الكبائر) كومكرن دناڤبه‌را دوو نڤێژاندا بێ ده‌ستویری (عوزر) ژ گونه‌هێت مه‌زنه و خودێ چێتر دزانیت.
