به‌رسڤێت دور نڤێژێ و پرسێت پێڤه‌ گرێداى

ب : ژ پێغه‌مبه‌ری سلاڤێت خودێ ل سه‌ربن بنه‌جھـ هاتیه‌ زانین نڤێژا سپێدێ و هه‌ردوو ركعه‌تێت ئێكێ ژ نڤێژا مه‌غره‌ب و عه‌یشا ده‌نگێ خۆ بلندكر، و ده‌نگ بلندكرن سونه‌ته‌ و دڤێت یێ ئیمام بیت ڤێ سونه‌تێ نه‌هێلیت، و دڤێت چاڤ ل پێغه‌مبه‌رێ خوشتڤی بكه‌ت، سلاڤێت خودێ ل سه‌ربن؛ له‌وا خودایێ مه‌زن دبیژیت: (لقد كان لكم في رسول الله أسوة حسنة لمن كان يرجو الله واليوم الآخر وذكر الله كثيراً) یێ خه‌ما رازیبوونا خودێ و رۆژا قیامه‌تێ لێ بیت بلا چاڤ ل پێغه‌مبه‌ری بكه‌ت سلاڤێت خودێ ل سه‌ربن، و دیسا پێغه‌مبه‌ر ژی سلاڤێت خودێ ل سه‌ربن دبیژیت: (صلوا كما رأيتموني أصلي) نڤێژێ بكه‌ن هه‌روه‌كی هه‌وه‌ ئه‌ز دیتیم نڤێژێ دكه‌م، و بۆ مه‌ یێ ژێ هاتیه‌ دیتن و زانین ده‌نگێ خۆ د چدا بلندكریه‌ و دچدا نزمكریه‌، ڤێجا ل سه‌ر مه‌ پیدڤیه‌ ئه‌م جهێ ب بلندی كری ئه‌م ب بلندی بكه‌ین و یێ ب نزمی كری ئه‌م نزم بكه‌ین، به‌لێ هه‌كه‌ خه‌له‌ت بوو و وه‌سا نه‌كر نڤێژ نه‌یا به‌تاله‌ و یا دورسته‌ و خودێ چێتر دزانیت.