ب : به‌لێ هه‌كه ته زانێ ده‌مێ نڤێژێ یێ هاتی، بلا ته گول بانگی نه ببیت دورسته تو نڤێژێ بكه‌ی، به‌لێ هه‌كه تو ل جهه‌كێ دویربی ل چولی یان ل ناڤ چه‌مه‌كێ بی، باشتر ئه‌وه تو بانگ ده‌ی، و قامه‌تێ بگری، و پاشی نڤێژا خۆ بكه‌ی، بلا تو یێ ب تنێ بی ژی، و دراستا ویدا سونه‌ته ئه‌و بانگ بده‌ت هه‌كه یێ دویر بیت و ده‌نگێ بانگی نه گه‌هیتێ، به‌لێ قامه‌ت ئینان به‌رده‌وام یا مه‌شروعه، و سونه‌ته بێته ئینان، و ل سه‌ر خێرا بانگی د ڤه‌گێرا بوخاریدا هاتیه ئه‌بو صه‌عصه‌عێ ئه‌نصار دبێژیت ئه‌بی سه‌عیدێ خوده‌رێ خودێ ژێ رازی بیت گۆته بابێ من(إني أَرَاكَ تُحِبُّ الْغَنَمَ وَالْبَادِيَةَ فإذا كُنْتَ في غَنَمِكَ أو بَادِيَتِكَ فَأَذَّنْتَ بِالصَّلَاةِ فَارْفَعْ صَوْتَكَ فإنه لَا يَسْمَعُ مَدَى صَوْتِ الْمُؤَذِّنِ جِنٌّ ولا إِنْسٌ ولا شَيْءٌ إلا شَهِدَ له يوم الْقِيَامَةِ قال أبو سَعِيدٍ سَمِعْتُهُ من رسول اللَّهِ صلی الله علیه وسلم) ئه‌ز دبینم تو حه‌ژ په‌زی و ده‌شتێ دكه‌ی ڤێجا هه‌كه تو ل به‌ر په‌زێ خۆ بی یان ل ل ده‌شتا خۆبی و ته بانگ بۆ نڤێژێ دا ده‌نگێ خۆ ب بانگی بلندكه مرۆڤه‌ك و جناوه‌ره‌ك و تشته‌ك نینه گولێ ببیت هه‌كه شاده‌یێ رۆژا قیامه‌تێ بۆ نه‌ده‌ت من گول پێغه‌مبه‌ری بوو سلاڤێت خودێ ل سه‌ربن ئه‌ڤه دگۆت، هوسا دیاردبیت هه‌كه ل جهه‌كێ دویربی و ته گول بانگی نه‌بیت سونه‌ته تو بانگ بده‌ی و پاشی نڤێژێ بكه‌ی و به‌لێ قامه‌ت به‌دوام سونه‌ته مرۆڤ بینیت ب جه‌ماعه‌ت بیت یان ب تنێ بیت ل مال بیت یان ل ده‌رڤه‌بیت و خودێ چێتر دزانیت.
