ب : هه‌ركه‌سێ نڤێژ ل ه‌ربن و كێم بن باشتر ئه‌وه ل گه‌ل ته‌وبێ ئه‌و وان نڤێژان قه‌زاكه‌ت وز سونه‌تێت خۆ ژی بكه‌ت و ژ خۆ نه‌به‌ت به‌لێ هه‌كه گه‌له‌ك نڤێژ ژێ چوبن و ده‌مه‌كێ درێژ نڤێژ نه‌كربن ئه‌ڤه چ بكه‌ت نڤێژێت چێ چوین قه‌زاكه‌ت یان سونه‌تان بكه‌ت و چ دراستا ویدا باشتره بكه‌ت نڤێژان قه‌زاكه‌ت یان سونه‌تان بكه‌ت ئه‌ڤه جهێ نه‌لێكێیه دناڤبه‌را زانایاندا.
ئێك: ل ده‌ف حه‌نه‌فیان: باشتر ئه‌وه ئه‌و مژیلی قه‌زاكرنان بیت و سونه‌تا بهێلیت ژ بلی سونه‌تێت راتبه و نڤێژا زوحایێ و نڤێژا درێژ و ته‌حیا مزگه‌فتێ و چوار ركعه‌تێت به‌ری ئێڤاری و شه‌ش ركعه‌تێت پشتی نڤێژا مه‌غره‌بێ.
دوو: ل ده‌ف مالكیان یێ قه‌زا ل سه‌ربن حه‌رامه ل سه‌ر وی ئه‌و قه‌زایان بهێلیت و ب سونه‌تانڤه مژویل ببیت ژ بلی سونه‌تا سپێدێ و ویترێ و نڤێژا عه‌یدێ و هه‌كه وی سونه‌ت كرن وه‌كی ته‌راویحا ژ لایكێ خودان خێره چونكی نڤێژ گوهداریه و ژ لایه‌كێ دیڤه گونه‌هكاره چونكی وی نڤێژێت قه‌زا گیروكرن و هنده سونه‌تێت كێم دورستكریه وه‌كی ته‌حیا مزگه‌فتێ و راتبان.
سێ: ل ده‌ف حه‌نبه‌لیان حه‌رامه ل سه‌ر وی ئه‌و سونه‌تێت ڤه‌كری و نه‌كرێدای ب هه‌لكه‌فتنانڤه بكه‌ت هندی قه‌زا ل سه‌ربن به‌لێ ئه‌و سونه‌تێت گرێدای ب هه‌لكه‌فتنه‌كێڤه دورسته بكه‌ت وه‌كی راتبان و ویتران و زوحایێ و ته‌حیا مزگه‌فتێ و سونه‌تا ده‌ستنڤێژێ و ....وهتد و ل گه‌ل هندێ ژی هه‌كه قه‌زایێت وی گه‌له‌ك بن باشتر ئه‌وه ئه‌و قه‌زا بكه‌ت و خۆ ب سونه‌تانڤه مژویل نه‌كه‌ت ژ بلی سونه‌تا سپێدێ هه‌ر دێ كه‌ت هند هند دوپاتی یلا ل سه‌ر هاتیه‌كرن.
چار: ل ده‌ف شافعیان هه‌كه ئه‌و نڤێژێت ژێ چوین ب عوزر ژێ ژێ چوینه ل سه‌ر وی واجب نینه ئه‌و له‌زێ ل قه‌زاكرنا وان بكه‌ت به‌لێ دڤێت ئه‌و هه‌ر قه‌زابكه‌ت به‌لێ واجب نینه له‌زێ بكه‌ت ژ به‌ر هندێ دڤی كراسیدا بوی هه‌یه یێ قه‌زا ل سه‌ربن ئه‌و سونه‌تان بكه‌ت چونكی سه‌ر واجب نینه ئه‌و هه‌می ده‌مێ خۆ ب ده‌ته قه‌زاكرنێ به‌لێ هه‌كی نڤێژ بی عوز ژێ چوبن دڤێت ئه‌و بێ گیروبوون وان نڤێژان قه‌زاكه‌ت و هه‌می ده‌مێ خۆ دڤێت ب ده‌ته قه‌زاكرنێ و سونه‌تا نه‌كه‌ت هه‌تا نڤێژێت خۆ قه‌زانه‌كه‌ت.
و ئه‌ز دبینم چ وی ناده‌ته‌پاش ئه‌و سونه‌تا نه‌كه‌ت، ل گه‌ل هندێ ژی هه‌كه شیان هه‌بن بلا نڤێژێت خۆ ژی قه‌زاكه‌ت، و ئه‌و كه‌سێ سونه‌تان نه‌كه‌ت ئه‌و ب قه‌زایان ژی ناكه‌ت، ئه‌ڤه ژ دوو لایانڤه خوساره‌ت بوو، قه‌زا نه‌كرن ژ خه‌مساری، و سونه‌ت ژی نه‌كرن ب هجه‌تا قه‌زا یێ ل سه‌ر نابیت ئه‌و سونه‌تان بكه‌ت، هوسا دوو جاركی یێ خساره‌ته؛ ژ به‌رهندێ ئه‌ز دبینم نه دورسته بێژینه وی یێ نڤێژ ژێ چوین، نه خاسمه ئه‌وێ هند خه‌مێ ژ قه‌زیان نه‌خۆت سونه‌تا نه‌كه، دبیت ئه‌م بێژینه وی یێ هه‌می ده‌مێ خۆ تایبه‌تبكه‌ت بۆ قه‌زاكرنێ، به‌لێ یێ هوسا نه‌بیت قه‌زایان نه‌كه‌ت نابیت بێژنێ سونه‌تان ژی نه‌كه، ئه‌ڤه دووجاركی یێ خوساره‌ته؛ ژ به‌ر هندێ ئه‌ز نابینم تشته‌ك هه‌یه وی ژ سونه‌تان بده‌ته پاش و خودێ چێتر دزانیت.
