ب: یا باش ئه‌وه ئه‌م خۆ گیرو نه‌كه‌ین، و ده‌ستپیكا نڤێژێ پشكداریێ ل گه‌ل ئیمامی بكه‌ین وگه‌ل ته‌كبیركر ئه‌م ژی ته‌كبیرێ بكه‌ین، و زانا هه‌بوون ژیێ خۆ هه‌میێ ته‌كبیرا ئیحرامێ یا ئێكێ ژێ نه‌چویه، و چ جار پشتی ئیمامی چ ركعه‌ت نه‌كرینه؛ چونكی به‌رده‌وام ده‌ستپێكی ل گه‌ل ئیمامی بۆ، ژوان ئه‌عمه‌ش، خودێ ژێ رازی بیت، حه‌فتێ سال عومر برن و جاره‌كێ ته‌كبیرا ئیحرامێ ل گه‌ل ئیمامی ژێ نه‌چو، و د حه‌دیسه‌كێدا هاتیه ئه‌نه‌س خودێ ژێ رازی بیت دبێژیت: پێغه‌مبه‌ری سلاڤێت خودێ ل سه‌ربن گۆت: هه‌ركه‌سێ چل رۆژان ته‌كبیرا ئیحرامێ ل گه‌ل ئیمامی ژێ نه‌چو دوو به‌رائه‌ت بۆ هاتنه نڤیسین به‌رائه‌ت ژ ئاگری و به‌رئه‌ت ژ نیفاق و دوورویاتیێ (من صلى أربعين يوماً في جماعة يدرك التكبيرة الأولى كتب له براءتان براءة من النار وبراءة من النفاق).
و گیربوون ژ نڤێژا جه‌ماعه‌ت دوو ره‌نگه، گیروبونا ب عوزر و گیروبوونا بێ عوزر و یا خه‌مساری.
ره‌نگێ ئێكێ هه‌كه عوزرێ خۆ هه‌بیت، و ژ ئه‌گه‌ره‌كێ هه‌ژی گیروبوو، و نه گه‌هشته ته‌كبیرا ئیحرامێ، یان گه‌هشته پشكه‌كێ ژ نڤێژێ، یان هه‌تا گه‌هشتیێ نڤێژا هاتیه‌كرن، ئه‌ڤی خودێ دێ خێرا تمام و بێ كێماسی ده‌ته‌تێ، و كا چ خێر بۆ وان هاتیه نڤیسین یێت ب جه‌ماعه‌ت كرین و ده‌ستپێكێ گه‌هشتینه ئیمامی دێ بۆ وی ژی ئه‌و هێته نڤیسین، به‌لگه ل سه‌ر ڤێ ئه‌بو هوریره خودێ ژێ رازی بیت دڤه‌گێرا ئه‌بو داودیدا دبێژیت: پێغه‌مبه‌ری سلاڤێت خودێ ل سه‌ربن گۆت: (مَن توضّأ فأحسَنَ وضوءَه، ثمَّ راحَ فوجد الناسَ قد صلّوا، أعطاه الله عز وجل مثلَ أجرِ مَن صلاّها، وحَضَرَها، لا يَنقُصُ ذلك من أجرِهم شيئاً) هه‌ركه‌سێ ده‌ستنڤێژا خۆ بشون بنه‌جھـ بشوت پاشی بچیت و ببینیت خه‌لكی نڤێژا كری خودایێ مه‌زن دێ هندی خیرا وی یێ كری و حازربووی ده‌تێ و چ ژ خێرا وان كێم ناكه‌ت.
به‌لێ هه‌كه عوزر نه‌بیت، كا خێرا جه‌ماعه‌تێ دگه‌هیتێ یان نه؟ بوچونا جمهورێ زانایان به‌لێ خێرا جه‌ماعه‌تێ گه‌هشتێ، پیغه‌مبه‌ر سلاڤێت خودێ ل سه‌ربن دبێژیت: (من أدرك ركعة من الصلاة فقد أدرك الصلاة) یێ گه‌هشته ركعه‌ته‌كێ ژنڤێژێ ئه‌و گه‌هشته نڤێژێ، هوسا هه‌ركه‌سێ گه‌هشته ئیمامی به‌ری سلاڤا ملان ئه‌و گه‌هشته نڤێژا ب جه‌ماعه‌ت، به‌لێ ئه‌ڤ هندێ ناگه‌هینیت ئه‌و ژ چ خیرێ بێ پشك نه‌بوویه؛ چونكی نڤێژ مێرگه‌كه ژ میرگێت په‌رستنان هه‌رئێك كا چه‌ند تێدا مایه هندێ ژێ وه‌ردگریت و دگه‌هیتێ، و یێ ده‌ستپیكێ ئامه‌ده و گوهدانا قورئانێ كری و ل گه‌ل ئیمامی ئامینكری وه‌كی وی نینه یێ دویماهیكێ ئاماده‌بووی؛ له‌وا ئه‌بو هوره‌یره خودێ ژێ رازی بیت دبێژیت: (من أدرك الركعة فقد أدرك السجدة، ومن فاته قراءة أم القرآن فقد فاته خير كثير) یێ گه‌هشته ركوعێ ئه‌و گه‌هشته سوجدێ و یێ خاندنا فاتحێ ژێ چو ب راستی خێره‌كا مه‌زن ژێ چو؛ چونكی یێ ئامینا وی كه‌فته ل گه‌ل ئامینا ملیاكه‌تان گونه‌هێت وی هه‌می ژێ چون، پێغه‌مبه‌ر سلاڤێت خودێ ل سه‌ربن دڤه‌گێرا بوخاریدا دبێژیت: (إذا أَمَّنَ الإمامُ فَأَمِّنُوا فإنه من وَافَقَ تَأْمِينُهُ تَأْمِينَ الْمَلائِكَةِ غُفِرَ له ما تَقَدَّمَ من ذَنْبِهِ) هه‌كه ئیمامی گۆت ئامین هوین ژی بێژن ئامین و چونكی یێ ئامینا وی كه‌فته ل گه‌ل یا ملیاكه‌تان گونه‌هێت وی یێ به‌رێ كرین هه‌می ژێ چون.
هوسا بومه دیاره‌دبیت یێ گێروبوی و ده‌ستپێكێ نه‌گهشتیه ئیمامی، دگه‌هیته جه‌ماعه‌تێ و خێرا جه‌ماعه‌تێ دگه‌هیتێ و بۆ دهێته نڤیسین، به‌لێ خێرا هه‌میان وه‌كی ئیك نینه یێ ده‌ستپێكا ئیحرامێ گه‌هشتبیتی و یێ چه‌ند ركعه‌ته‌ك ژێ چوبن پاشی گه‌هشتبیتێ و خودێ چێتر دزانیت.
