ب : یا فه‌ر ئه‌وه ئه‌ز له‌زێ بكه‌م و ب گه‌همه ئیمامی هێشتا نه‌چویه دنڤێژا خۆدا، و ته‌كبیرا ئیحرامێ نه‌ئینای؛ دا پشت راست بم ئه‌ز گه‌هشتمه ته‌كبیرا ئیحرامێ، تایبه‌ت هه‌كه من ل به‌ربیت ئه‌ز چل رۆژان دگه‌ل ته‌كبیرا ئیحراما ئیمامی یێ ئاماده‌بم؛ دا بگه‌همه دوو باوه‌رنامه‌یان، یا ژ ئاگری رزگاربوونێ و ژ دووریاتی رزگاربوونێ، به‌لێ ل گه‌ل هندێ ژی زانا ل سه‌ر پتر بوچونه‌كێ یێت هه‌ڤجودابوین كا كه‌نگی دهێته دانان گه‌هشته ته‌كبیرا ئیحرامێ.
ئێك: پاشنڤێژ (مه‌ئموم) دێ گه‌هیته ته‌كبیرا ئیحرامێ، هه‌كه ل گه‌ل ته‌كبیرا ئیمامی یێ یاماده‌بیت و دویف ویرا بێ گیروبون ته‌كبیرا ئیحرامێ بینیت، و ئه‌ڤه بوچونا جمهورێ زانایانه ژشافعی و حه‌نبه‌لیان هه‌روه‌كی نه‌وه‌وی خودێ ژێ رازی بیت دبێژیت.
دوو: ئه‌و دێ گه‌هیته ته‌كبیرا ئیحرامێ، هندی ئیمامی ده‌ست ب خاندنا فاتحێ نه‌كربیت.
سێ: ئه‌و گه‌هشته ته‌كبیرا ئیمامی هه‌كه گه‌هشته ئیمامی به‌ری ئه‌و خاندنا فاتحێ ب دویماهیك بینیت و ل گه‌ل ئامینێ گه‌هشته ئیمامی و ئه‌ڤه بوچونا وه‌كیعییه خودێ ژێ رازی بیت.
چار: ئه‌و گه‌هشته ته‌كبیرا ئیمامی، هندی ئیمام دركعه‌تا ئێكێدا بیت و نه چوبیته ركوعێ.
پێنح: ئه‌و گه‌هشته ئیمامی هه‌كه گه‌هشته روكا ئێكێ هێژ ئیمام ژ ركوعێ نه‌رابوی و ئه‌ڤه بۆچونا حه‌نه‌فیانه.
و بوچونا ئێكی هه‌روه‌كی نه‌وه‌ی خودێ ژێ رازی بیت د مه‌جمو‌عێدا دبێژیت دورستتره، تایبه‌ت پێغه‌مبه‌ر سلاڤیت خودێ ل سه‌ربن دبێژیت: (إنما جُعِلَ الامَامُ لِيُؤْتَمَّ بِهِ فإذا كَبَّرَ فَكَبِّرُوا) ئیمام له‌وا یێ بویه ئیمام دا ل دویف بچن ڤێجا هه‌كه ته‌كبیر كر هوین ژی ته‌كبیرێ بكه‌ن، و پیتا (ف) ل گه‌ل په‌یڤا (كبروا) رامانا هندێ دده‌ت ئێكسه‌ر و بێ گیروبوون دویفرا ته‌كبیرێ بكه‌ن و خودێ چێتر دزانیت.
