ب / گشتى دڤێت مرۆڤ نه‌هێليت كه‌س به‌ر نڤێژا مرۆڤيرا بچيت، هندى پێ چێببيت، و دا به‌رهنگارى هندێ نه‌بى.. فه‌ره تو جهه‌كێ وه‌سا هه‌لبژێرى به‌ر نڤێژا ته‌را نه‌هێن و بچن، يان شه‌ملكه‌كێ بۆ خۆ دانى شه‌ملكا ته تخويبێت ته‌نه، ده‌رڤه‌ى شه‌ملكێ كێماسى نينه هاتن و چۆن هه‌بيت، و دڤێت ئه‌م سڤك به‌رێ خۆ نه‌ده‌ينه چۆنا د به‌ر نڤێژێرا، پێغه‌مبه‌رێ خۆشتڤى (سلاڤێت خودێ لێ بن) دبێژيت: هه‌روه‌كى د موسلمى و بوخاريێدا هاتى: هه‌كه ئه‌و چلان خۆ بگريت بۆ وى باشتره ئه‌و د به‌ر نڤێژێرا بچيت، ڤه‌گێر دبێژيت: من نه‌زانى كا گۆت چل رۆژان يان هه‌يڤان يان سالان. به‌رێ خۆ بدێ بۆرينا د به‌ر نڤێژێرا چه‌ندا ب گونه‌هه دا نه‌كه‌ڤيته د ڤێ گونه‌هێدا هه‌كه ئه‌و ڤى ده‌مى راوه‌ستيت بۆ وى چێتره ئه‌و سه‌برێ نه‌كێشيت و د به‌ر نڤێژێرا بچيت.
به‌لى ژن يان زه‌لام ل مال نڤێژێ بكه‌ت و بچويك بهێته سه‌ر شه‌ملكا وى كێماسى ب نڤێژا وى ناكه‌ڤيت، و دورسته به‌رده‌واميێ بده‌ته نڤێژا خۆ، و بلا بچويك سه‌ر شه‌ملكا وێ بيت ماده‌م دشێت نڤێژا خۆ ببه‌ته سه‌رى و ره‌نگآ پێدڤى بچيته سوجدێ، نه‌خاسمه هه‌كه كه‌س ل وێرێ نه‌بيت چاڤێ خۆ بده‌ته بچويكى و خودێ چێتر دزانيت.
