ب/ بۆ وى ئه‌وێ بترسيت ب شه‌ڤ هشيار نه‌بيت، باشتره ويترا خۆ پشتى نڤێژا عه‌يشا بكه‌ت، ژبه‌ر حه‌ديسا پيرۆزا پێغه‌مبه‌رێ خۆشتڤى (سلاڤێت خودێ لێ بن) دبێژيت: هه‌ركه‌سێ بترسيت دويماهيكا شه‌ڤێ نه‌رابيت، بلا سه‌رێ وێ ويترێ بكه‌ت، و يێ ب ئومێد بيت دويماهيكا وێ هشيار ببيت، بلا دويماهيكا شه‌ڤێ ويترێ بكه‌ت، ب راستى نڤێژا دويماهيكا شه‌ڤێ يا ب شاهده (ژ لايێ ملياكه‌تانڤه) و ئه‌و چێتره. و هه‌كه رابووڤه بۆ هه‌يه، نڤێژشه‌ڤان بكه‌ت، به‌لێ ويترا خۆ ناكه‌ته‌ڤه، چونكى پيغه‌مبه‌رێ خۆشتڤى (سلاڤێت خودێ لێ بن) دبێژيت: دوو ويتر د شه‌ڤه‌كێدا نينن، هه‌لبه‌ت ئه‌ڤ حه‌ديسه ژ ڤه‌گێرانا ئيمام ئه‌حمه‌د و ئه‌بو داوود و ترمزيه و خودێ چێتر دزانيت.
