ب / وه‌ختێ نڤێژا زوحايێ؛ ئانكو: يا تێشته‌گه‌هێ، ژ بلندبوونا رۆژێ ته‌مه‌ت رومه‌كێ ده‌ست پێ دكه‌ت، هه‌تا به‌رى نڤێژا نيڤرۆ ب ده‌مه‌كێ كێم، ئانكو: به‌رى رۆژ ل نيڤا عه‌سمانى راوه‌ستيت. و زانايێ ناڤدار عه‌ينى(خودێ ژێ رازى بيت)، د شه‌رحا بوخاريدا دبێژيت: هه‌ژمارا ركاعه‌تێت زوحايێ ب ڤى ره‌نگى يا بۆ مه هاتى: دوو ركاعه‌ت، و چار ركاعه‌ت، و شه‌ش و هه‌شت و ده‌ه و دوازده ركاعه‌ت، به‌لێ ئبن حه‌جه‌رێ عه‌سقه‌لانى(خودێ ژێ رازى بيت)، دبێژيت: ژ حه‌ديسا دئێته زانين: هه‌ژمارا ژ هه‌ميان پتر هه‌شت ركاعه‌تن و خودێ چێتر دزانيت.
