ب / نه‌خێر نه‌دورسته بچويك ژ مزگه‌فتێ بێنه ده‌رێخستن، و سه‌رده‌مێ پێغه‌مبه‌رى (سلاڤێت خودێ لێ بن) نه‌خاسمه ژنان زارۆكێت خۆ ـ و ل ژيێت جودا جودا ـ دگه‌ل خۆ دبرنه مزگه‌فتێ، و گه‌له‌كان دكره گرى و دبوو ئه‌گه‌رێ هندێ پێغه‌مبه‌رى (سلاڤێت خودێ لێ بن) نڤێژا خۆ ژ دلپێڤه‌بوون ب دايكێ كورت دكر و نه‌دگۆت: ئه‌ڤه چ بچويكن هوين دئيننه مزگه‌فتێ، به‌لێ پێدڤيه به‌رى نڤێژێ ئه‌م وان بينينه ب ره‌خ خۆڤه، و جوان و نه‌رم وان شيره‌ت بكه‌ين، چونكى ئه‌و بچويكێ د مزگه‌فتێڤه رابوو ـ ب ئزنه‌ها خودێ ـ ئه‌و دێ باش بيت، و هه‌كه نڤێژێ ده‌ست پێ كر ته خه‌له‌تيه‌ك ژ ئێكى ديت هه‌كه تو ده‌ستێ خۆ بكه‌يێ يان پێ خۆ بگه‌هينيه پێ وى ژبه‌ر وێ خه‌له‌تيێ چو نينه بكه؛ چونكى يا گه‌هشتيه مه ئبن عه‌باس(خودێ ژێ رازى بيت)، جاره‌كێ هاته ب ره‌خ پێغه‌مبه‌ريڤه (سلاڤێت خودێ لێ بن)، ل ره‌خێ وى يێ چه‌پێ راوه‌ستيا دڤيا نڤێژێ دگه‌ل پێغه‌مبه‌رى (سلاڤێت خودێ لێ بن) بكه‌ته ب جه‌ماعه‌ت، ئينا پێغه‌مبه‌رى گوهێ وى گرت و ئينا ره‌خێ خۆ يێ راستێ و خودێ چێتر دزانيت.
