ب / پێغه‌مبه‌ر (سلاڤێت خودێ لێ بن) دبێژيت: جهێ مرۆڤ پتر هه‌ميان نێزيكى خودايێ خۆ سوجده‌يه، ڤێجا گه‌له‌ك دوعايان تێدا بكه‌ن. ژبه‌ر هندێ ب راستى سوجده ده‌ليڤه‌يه‌كا زێده يا ب بهايه دڤێت مرۆڤ ژ خۆ نه‌به‌ت و بۆ خۆ گه‌له‌ك دوعايان تێدا بكه‌ت.
سه‌باره‌ت پشكا دى ژ پسيارێ، به‌لێ ئه‌و نڤێژ يا هه‌ى و پێغه‌مبه‌رى (سلاڤێت خودێ لێ بن) گه‌له‌ك پويته يێ دايێ، هه‌تا جابرێ كورێ عه‌بدوللاى(خودێ ژێ رازى بيت)، دبێژيت: پێغه‌مبه‌رى (سلاڤێت خودێ لێ بن) د هه‌مى كاروبارێت مه‌دا ئيستيخاره نيشا مه ددا هه‌روه‌كى سۆره‌ته‌ك ژ سۆره‌تێت قورئانێ نيشا مه ددا. و ئه‌ڤ نڤێژه ل وى ده‌مى دئێته‌كرن ده‌مێ مرۆڤ دكه‌ڤيته د ناڤبه‌را دوو بريارێن ژێك جودادا و مرۆڤ نوزانيت كيژكێ ژ وان بكه‌ت، ب مه‌رجه‌كى ئه‌و تشتێ مرۆڤ تێدا دودل نه ژ واجيباتان بيت، چونكى تشتێ واجب نابيت مرۆڤ ل سه‌ر يێ دودل بيت، به‌لێ هه‌كه تشته‌كێ نه‌يێ واجب بيت و مرۆڤ نه‌زانيت و بۆ مرۆڤى ديار نه‌بوو كا چ بكه‌ت خێرتره.. هنگى دێ نڤێژا ئيستيخارێ كه‌ت دا سه‌رێ خێرێ بۆ مرۆڤى ئاشكرا ببيت، چونكى رامانا ئيستيخارێ ئه‌وه ره‌ئيا خێر دگه‌ل مرۆڤ نوزانيت، ڤێجا مرۆڤى دڤێت خودێ ژ هه‌ردوو ره‌ئيان دلێ مرۆڤى بێخيته سه‌ر ره‌ئيا خێرێ، و بۆ وێ ره‌ئيێ دلێ مرۆڤى رۆنكه‌ت.
بۆ نموونه: ئێك يێ كچێ دخوازيت و نوزانيت رازى بيت بۆ وى چێتره يان نه، هينگێ دێ ڤێ نڤێژێ كه‌ت؛ دا ل سه‌ر ئێك ره‌ئى راوه‌ستيت. و ئه‌ڤ نڤێژه دوو ركاعه‌تن، ده‌مێ كرنێ نه‌يێ ده‌ستنيشانكريه، هه‌ر ده‌مه‌كێ بێته‌كرن دورسته. شيره‌تا من ل سێكا دويماهيا شه‌ڤێ بێته‌كرن چێتره، چونكى وى ده‌مى زهنا مرۆڤى يا سافيه و خودايێ مه‌زن ژى دئێته عه‌سمانێ دنيايێ و دبێژيت: كێ داخوازه‌ك هه‌يه ئه‌ز بۆ ب جه بينم. كێ دوعايه‌ك هه‌يه ئه‌ز قه‌بويل بكه‌م. پشتى دوو ركاعه‌ت دئێنه‌كرن و سلاڤا ملان دئێته‌ڤه‌دان، خودانێ هه‌وجه‌يێ دێ ڤێ دوعايێ كه‌ت: ((اللهم إني أَسْتَخِيرُكَ بِعِلْمِكَ وَأَسْتَقْدِرُكَ بِقُدْرَتِكَ وَأَسْأَلُكَ من فَضلِكَ الْعَظيمِ فَإِنَّكَ تَقْدِرُ ولا أَقْدِرُ وَتَعْلَمُ ولا أَعْلَمُ وَأَنْتَ عَلَّامُ الْغُيُوبِ اللهم إن كُنْتَ تَعْلَمُ ـ (ڤێرێ دێ هه‌وجه‌ييا خۆ بێژى) ـ خَيْرٌ لي في دِينِي وَمَعَاشِي وَعَاقِبَه أَمْري أو قال عَاجِلِ أَمْري وَآجِلِهِ فَاقْدُرْهُ لي وَێسِّرْهُ لي ثمَّ بَاركْ لي فيه وَإِنْ كُنْتَ تَعْلَمُ ـ (ڤێرێ دێ هه‌وجه‌ييا خۆ بێژى) ـ شَرٌّ لي في دِينِي وَمَعَاشِي وَعَاقِبَه أَمْري أو قال في عَاجِلِ أَمْري وَآجِلِهِ فَاصْرفْهُ عَنِّي وَاصْرفْنِي عنه وَاقْدُرْ لي الْخَيْرَ حَيْپ كان پمَّ أَرْضنِي به )). هه‌لبه‌ت كرنا ڤێ دوعايێ ب كوردى ژى بيت دورسته، و ب ئانه‌هيا خودێ دێ خودێ دلێ وى ئێخيته سه‌ر وێ ره‌ئيا د خێرا ويدا و خودێ چێتر دزانيت.
