ب / ناڤێ وان سونه‌تان سونه‌تێت راتيبه‌نه، و ده‌مێ وان يێ گرێدايه ب ده‌مێ نڤێژێت فه‌رزڤه، و ده‌مێ وان ناهێت هه‌تا ده‌مێ نڤێژێت فه‌رز نه‌هێت، و زانا دبێژن: وه‌ختێ وان ئه‌وێت به‌رى نڤێژێ دئێنه‌كرن ده‌ست پێ دكه‌ت ژ هاتنا ده‌مێ نڤێژێ هه‌تا نڤێژ دئێته‌كرن، و يێت پشتى نڤێژێ دئێنه‌كرن پشتى كرنا نڤێژێ ده‌ست پێ دكه‌ت هه‌تا ده‌مێ نڤێژێ ده‌ردكه‌ڤيت و دچيت.
زانايێ ناڤدار نه‌وه‌وى(خودێ ژێ رازى بيت)، دبێژيت: زانا نه‌ئێكن ل سه‌ر كا شه‌ڤنڤێژ ب خێرترن يان سونه‌تێت راتيبه، و باراپتر ژ زانا خودآ ژ وان رازى بيت دبێژن: راتيبه بخێرترن، به‌لێ حه‌ديس پالپشتا بۆچۆنا ئێكێ دكه‌ت؛ ژبه‌ر گۆتنا پێغه‌مبه‌رێ خودێ (سلاڤێت خودێ لێ بن) ئه‌وا ئيمام موسلمى(خودێ ژێ رازى بيت)، ڤه‌گێراى: ((باشترين نڤێژ پشتى يا فه‌رز يا شه‌ڤێيه). هنده زانا دبێژن: مه‌كروهه و نه‌باشه مرۆڤ ڤان سونه‌تان بهێليت، و هنده‌كێت دى دبێژن: يێ به‌رده‌وام ڤان سونه‌تان نه‌كه‌ت شه‌هده‌داريا وى ناهێته وه‌رگرتن، به‌لكى زانايێ ناڤدار ئبن تهيميهخودێ ژێ رازى بيت)، دبێژيت: يێ د بنيرا نه‌كه‌ت ئه‌و نيشانه ل سه‌ر كێم دينيا وى، و شه‌هده‌يا وى ل ده‌ف شافعى و ئه‌حمه‌د خودآ ژ هه‌ردوويان رازى بيت ناهێته وه‌رگرتن، و ژبه‌ر قه‌در و بهايێ وان گه‌له‌ك زانا دبێژن: ئه‌گه‌ر ژ مرۆڤى چۆ دورسته قه‌زاكه‌ت، ژ وان: ئيمامێ شافعيخودێ ژێ رازى بيت). و زانايێ ناڤدار ئبن ته‌يميه(خودێ ژێ رازى بيت)، دبێژيت، و ئه‌ڤ بۆچۆنه ب هێزتره و هژمارا وان جهێ جودايێيه د ناڤبه‌را زانادا، يا دورست د ناڤبه‌را دوازه و ده‌ه ركاعه‌تانه ژبه‌ر كو ئبن عومه‌ر، خودێ ژ هه‌ردوويان رازى بيت دبێژيت: من ژ پێغه‌مبه‌رێ خودێ (سلاڤێت خودێ لێ بن) ده‌ه ركاعه‌ت ژبه‌ركرن: دوو ركاعه‌ت به‌رى نڤێژا نيڤرۆ و دوو ركاعه‌ت پشتى نڤێژا نيڤرۆ و دوو ركاعه‌ت پشتى نڤێژا مه‌غره‌ب و دوو ركاعه‌ت پشتى نڤێژا عه‌يشا، و دوو ركاعه‌ت به‌رى نڤێژا سپێدێ. و ديسا دايكا موسلمانان، ئوم حه‌بيبه(خودێ ژێ رازى بيت)، دبێژيت: من گول پێغه‌مبه‌رێ خودێ بوو (سلاڤێت خودێ لێ بن) دگۆت: ((سونه‌تێت خۆ يێت راتب لێ هشيار بن))، پێغه‌مبه‌رێ خودێ (سلاڤێت خودێ لێ بن) دبێژيت: ((نينه به‌نده‌يه‌كێ موسلمان هه‌رۆژ دوازده ركاعه‌تان سونه‌ت ـ ژبلى فه‌رزان ـ بۆ خودێ بكه‌ت، هه‌كه خودێ خانيه‌كآ بۆ د به‌حه‌شتێدا ئاڤا نه‌كه‌ت)). يان: ((هه‌كه خانيه‌ك بۆ د به‌حه‌شتێدا نه‌هێته ئاڤاكرن. (دوو ركاعه‌ت به‌رى نڤێژا سپێدێ و دوو ركاعه‌ت به‌رى نڤێژا نيڤرۆ و دوو ركاعه‌ت پشتى وێ و دوو ركاعه‌ت به‌رى نڤێژا ئێڤارى و دوو ركاعه‌ت پشتى نڤێژا مه‌غره‌ب و دوو ركاعه‌ت پشتى نڤێژا عه‌يشا)). و هنده زانا دوو ركاعه‌تێت پشتى نڤێژا خوتبێ و سونه‌تا ويترێ ژى دگه‌ل راتبا حسێب دكه‌ن و خودێ چێتر دزانيت.
