ب / پێدڤيه بزانين ئاخفتن ل مزگه‌فتێ دوو جوينن:
ئێك: ئاخفتنا كرێت و يا نه‌جوان، ئه‌ڤه نه‌يا دورسته، نه ژ ده‌رڤه‌ى مزگه‌فتێ بێته‌كرن و نه د ژۆرڤه‌ى مزگه‌فتێ، و ئاخفتنا ديسا دبيته ئه‌گه‌رێ هندێ نڤێژ ل به‌ر موسلمانان به‌رزه ببيت؛ ديسا ئه‌ڤه ژى يا حه‌رامه، نابيت ل مزگه‌فتێ بێته‌كرن، عومه‌رێ كورێ خه‌تابى خودێ ژێ رازى بيت) هنده مرۆڤ ديتن ب ده‌نگێ بلند ل مزگه‌فتا پێغه‌مبه‌رى (سلاڤێت خودێ لێ بن) دئاخفتن، هۆسا دياره ته‌شويش چێدكر، ئينا چۆ هنداف سه‌رێ وان و پسيار ژ وان كر.. ده‌ركه‌فتن نه‌خه‌لكێ مه‌دينێ، گۆته وان: هه‌كه هوين خه‌لكێ مه‌دينێ بانه دا هه‌وه ئێشينم.
دوو: ئاخفتنا حه‌لال و يا خێرێ و يا نه‌بيته ئه‌گه‌رێ ته‌شويشێ و نڤێژێ ل به‌ر كه‌سێ خه‌له‌ت نه‌كه‌ت، ئه‌ڤه چو نينه و دورسته. به‌لگه ژى حه‌ديسا جابرێ كورێ سه‌موره‌يه هه‌روه‌كى د موسلمێدا هاتى ب شه‌رحا نه‌وه‌وى(خودێ ژێ رازى بيت)،، جابر(خودێ ژێ رازى بيت)، دبێژيت: ((كان لا ێقُومُ من مُصَلاهُ الذي يُصَلِّي فيه حتى تَطلُعَ الشَّمْسُ فإذا طلَعَتْ قام وكان يُطيلُ الصَّمْتَ وَكَانُوا ێتَحَدَّثونَ فَێأْخُژونَ في أَمْر الْجَاهِلِێه فَێضحَكُونَ وێبْتَسِمُ رسول اللَّهِ صلى اللَّهُ عليه وسلم)).
ژ ڤێ حه‌ديسێ ديار دبيت هه‌ڤالێت پێغه‌مبه‌رى (سلاڤێت خودێ لێ بن) سوحبه‌ت دكرن و دكرنه كه‌نى ل مزگه‌فتێ و پێغه‌مبه‌ر (سلاڤێت خودێ لێ بن) يێ حازر، و بۆ خۆ ب سوحبه‌تێت وان دگرنژى، و گرنژينا پێغه‌مبه‌رى (سلاڤێت خودێ لێ بن) كه‌نيێ ويه. ل ڤێرێ ئاشكرا دبيت مه‌رجێ سه‌ره‌كى يێ ئاخفتنێ د مزگه‌فتێڤه كا دورسته يان نه، دڤێت ئاخفتن يا دورست بيت، ئانكو: يا حه‌لال بيت و نڤێژێ ل به‌ر كه‌سێ خه‌له‌ت نه‌كه‌ت، به‌لێ هه‌كه ده‌نگ يێ بلند بيت و نڤێژێ ل مرۆڤى به‌رزه‌كه‌ت هينگێ نه‌يا دورسته خۆ ئه‌و ئاخفتن زكر و قورئان ژى بيت.
ئه‌بى حازمآ ته‌مارى ژ به‌يازى ڤه‌دگوهێزيت، خودآ ژ هه‌ردوويان رازى بيت دبێژيت: پێغه‌مبه‌ر (سلاڤێت خودێ لێ بن) ديت خه‌لك يێ نڤێژێ دكه‌ن و ده‌نگێ خۆ ل سه‌ر ئێك و دوو بلند دكه‌ن، ئينا پێغه‌مبه‌رى (سلاڤێت خودێ لێ بن) گۆت: (( إِنَّ الْمُصَلِّێ يُنَاجِي رَبَّهُ فَلْێنْظرْ بِمَا يُنَاجِيهِ بِهِ وَلاَ ێجْهَرْ بَعْضكُمْ على بَعْچ بِالْقُرْآنِ )). ئيمام مالك(خودێ ژێ رازى بيت)، ئه‌ڤ حه‌ديسه ڤه‌گێرايه ديسا ئه‌بو داوود ژى ژ ئه‌بى سه‌عيدێ خدرى يا ڤه‌گێراى. بزانن ئه‌وێ نڤێژێ دكه‌ت دگه‌ل خودايێ خۆ دئاخڤيت بلا كه‌س ده‌نگێ خۆ ل سه‌ر ده‌نگێ يێ دى ب قورئانێ بلند نه‌كه‌ت، هه‌كه ب قورئانآ چێنه‌بيت.. پا چه‌وا ئاخفتنه‌كا دى چێدبيت. ديسا ژ ئاخفتنا چێ نه‌بيت د مزگه‌فتێڤه بێته‌كرن، ئاخفتنا ل دۆر كرين و فرۆتنێ دئێته‌كرن، چونكى مزگه‌فت جهێ عيباده‌تيه نه‌جهێ كرين و فرۆتنێيه و خودێ چێتر دزانيت.
