ب/ ل دويف گۆتنێت زانايان نڤێژا عه‌يشا سێ وه‌خت يێت هه‌ين، يان ژى وه‌ختێ وێ دبنه سێ پشك، د هه‌ر پشكه‌كا مرۆڤ تێدا نڤێژا عه‌يشا بكه‌ت دورسته:
ئێك: وه‌ختێ مرۆڤ تێدا يێ ب كه‌يفا خۆ، دبێژنێ: وه‌ختێ ئختيارى، ئه‌ڤ وه‌خته ده‌ست پێ دكه‌ت ژ چۆن و نه‌مانا سۆراتيا عه‌سمانى، و درێژ دبيت هه‌تا دگه‌هيته نيڤا شه‌ڤێ، يان هه‌تا سێكا ئێكێ يا شه‌ڤێ ب دويماهى دئێت. د ڤى وه‌ختيدا مرۆڤ يێ ئازاده و ب كه‌يفا خۆيه كه‌نگى بكه‌ت دورسته. ده‌يكا مه عائيشا دبێژيت: (وَكَانُوا يُصَلُّونَ الْعَتَمَه فِيمَا بين أَنْ ێغِيبَ الشَّفَقُ إلى ثلُث اللَّيْلِ الْأَوَّلِ) ئانكو: موسلمانان نڤێژا عه‌يشا وى ده‌مى دكرن وه‌ختێ دبوو تارياتى و سۆراتى ژ عه‌سمانى دچۆ هه‌تا دبوو سێكا ئێكێ ژ شه‌ڤێ. هه‌لبه‌ت ئيمامێ بوخارى ئه‌ڤ حه‌ديسه يا ڤه‌گێرايى. وه‌ختێ باشتر ئه‌وه مرۆڤ نڤێژا خۆ بێخيته نيڤا شه‌ڤێ، به‌لێ ب مه‌رجه‌كي گيرۆكرنا وێ بۆ ڤى وه‌ختى نه ژ خه‌مساريێ بيت، و نه‌بيته ئه‌گه‌رێ هندێ نڤێژا ب جه‌ماعه‌ت ژ مرۆڤى بچيت و نه ژ هندێ بيت مرۆڤ يێ مايه ب به‌رێخۆدانا ته‌له‌فزيۆنێڤه.
ئه‌بو هوره‌يره(خودێ ژێ رازى بيت)، دبێژيت: پێغه‌مبه‌رى (سلاڤێت خودێ لێ بن) گۆت: ((لَوْلا أَنْ أَشُقَّ عَلَى أُمَّتِي لأَمَرْتُهُمْ بِالسِّوَاكِ مَعَ الْوُضوءِ وَلأَخَّرْتُ الْعِشَاءَ إِلَى پلُپ اللَّيْلِ أَوْ شَطر اللَّيْلِ )) هه‌كه من ژبه‌ر زه‌حمه‌تێ نه‌با ل سه‌ر ئوممه‌تا خۆ ئه‌ز دا ئه‌مرێ وان كه‌م ئه‌و نڤێژا خۆ يا عه‌يشا گيرۆكه‌ن بۆ سێكا شه‌ڤێ يان نيڤا وێ. هه‌لبه‌ت ئه‌ڤ حه‌ديسه ژ ڤه‌گێرانا ئيمام ئه‌حمه‌د و ئبن ماجه و ئيمامێ ترمزيه. و ئه‌بى سه‌عيد ژ پێغه‌مبه‌رى (سلاڤێت خودێ لێ بن) ڤه‌دگوهێزيت: ((وَلَوْلاَ ضعْفُ الضعِيفِ وَسُقْمُ السَّقِيمِ وحَاجَه ذي الْحَاجَه لأَخَّرْتُ هذه الصَّلاَه إلى شَطر اللَّيْلِ))، هه‌كه ژبه‌ر مرۆڤێت بێ چاره و نه‌خۆشان و خودان هه‌وجه‌ييان نه‌با، ئه‌ز دا ڤێ نێڤژێ گيرۆكه‌م هه‌تا نيڤا شه‌ڤێ. ئه‌ڤ حه‌ديسه ژ ڤه‌گێرانا ئيمام ئه‌حمه‌د و ئه‌بو داوود و ئبن ماجه و ئبن خوزه‌يمه‌يه.
ـ وه‌ختێ سيێ.. وه‌ختێ نه‌چاريێيه، ئه‌ڤ وه‌خته ژ نيڤا شه‌ڤێيه هه‌تا بانگێ سپێدێ. د ڤى وه‌ختيدا نڤێژ يا دورسته، و هه‌كه نڤێژا عه‌يشا به‌رى ڤى وه‌ختى بێته‌كرن چێتره و خودێ چێتر دزانيت.
