ب/ ئه‌گه‌ر چۆن دويرى جهێ سوجدێ بيت، يان پشت سوترێرا بيت چو نينه و چو گونه‌ه تێدا نينه، و ئه‌گه‌ر نڤێژا ب جه‌ماعه‌ت بيت سوتره سوترا ئيماميه و دورسته مرۆڤ به‌ر نڤێژا وانرا بچيت ئه‌وێت پشت ئيمامى نڤێژێ دكه‌ن، نه‌خاسمه هه‌كه هه‌وجه‌ييه‌ك هه‌بيت.
به‌لێ هه‌كه سوتره نه‌يا دانايى بيت، ئانكو: نڤێژكه‌رى چو نه‌دانابيته به‌ر سينگێ خۆ، هينگێ يا حه‌رامه مرۆڤ به‌ر ده‌ستێت ويرا بچيت. پێغه‌مبه‌ر (سلاڤێت خودێ لێ بن) دبێژيت هه‌روه‌كى بوخارى ڤه‌گێراى: ((لو ێعْلَمُ الْمَارُّ بين ێدَيْ الْمُصَلِّي مَاذا عليه لَكَانَ أَنْ ێقِفَ أَرْبَعِينَ خَيْرًا له من أَنْ ێمُرَّ بين ێدَيْهِ)) ئانكو: ئه‌گه‌ر ئه‌ڤێ د به‌ر نڤێژێرا دچيت زانيبا كا ئه‌و چ گونه‌هه ئه‌و دكه‌ت دا چلان خۆ گريت (چل رۆژان، يان چل هه‌يڤان، يان چل سالان) و ئه‌و د به‌ر نڤێژێرا نه‌دچۆ و ئه‌ڤه بۆ چێتربوو.
و حه‌قێ نڤێژكه‌ريه هندى بشێت نه‌هێليت كه‌س د به‌ر نڤێژا ويرا بچيت. پێغه‌مبه‌ر (سلاڤێت خودێ لێ بن) دبێژيت: ((إذا صلى أحدكم إلى شَيْءٍ ێسْتُرُهُ من الناس فَأَرَادَ أَحَدٌ أَنْ ێجْتَازَ بين ێدَيْهِ فَلْێدْفَعْهُ فَإِنْ أَبَى فَلْيُقَاتِلْهُ فَإِنَّمَا هو شَيْطانٌ)) بوخارى و موسلمى ڤه‌گێرايه. ئانكو: هه‌كه ئێكى ژ هه‌وه نڤێژ كر و تشته‌ك د ناڤبه‌را وى و خه‌لكيدا بوو و ئێكى ڤيا د به‌ر نێڤژا ويرا بچيت بلا پالده‌ت و نه‌هێليت، هه‌كه پاشڤه نه‌چۆ بلا شه‌رێ وى بكه‌ت ئه‌و شه‌يتانه.
و چۆنا چو تشتان د به‌ر نڤێژێرا نڤێژێ به‌تال ناكه‌ت، و ئه‌ڤه مه‌زهه‌بێ مالكى و شافعيه و سوفيانێ سه‌ورى و مه‌زهه‌بێ ئه‌حنافانه ژى و خودێ چێتر دزانيت.
