ب / ئبن قه‌ييم(خودێ ژێ رازى بيت)، دبێژيت: بۆ مه ژ پێغه‌مبه‌رى (سلاڤێت خودێ لێ بن) نه‌هاتيه زانين كو سه‌له‌وات د ته‌حياتا ئێكێدا بن، هه‌روه‌سا ئيمامێ ترمزى ژى(خودێ ژێ رازى بيت)، ڤێ ره‌ئيێ ڤه‌دگوهێزيت و دبێژيت: ئه‌ڤه يا زانا كار پێ دكه‌ن. به‌لێ يا باشه بێژين: زانايێت هه‌ين بێژن: نه‌خێر وه‌سا نينه و ژ پێغه‌مبه‌رى يا هاتيه زانين كو سه‌له‌وات يێت د ته‌حياتا ئێكێدا هه‌ين، و ژ وان زانايان ئه‌لبانى(خودێ ژێ رازى بيت)، د كتێبێت خۆدا (صحيح الترغيب) و (صفه صلاه النبي)دا ڤێ دبێژيت، و ديسا ئيمامێ شه‌عبى(خودێ ژێ رازى بيت)، دبێژيت: چو قوسيرى نينه هه‌كه سه‌له‌وات د ته‌حياتا ئێكێدا بێنه خواندن، و ماده‌م ئه‌ڤ هه‌ردوو ره‌ئيه هه‌نه سوجدا سه‌هوێ بۆ نابيت. به‌لێ ل دۆر سه‌له‌واتان د ته‌حياتا دويماهيێدا كا واجبه يان نه، د مه‌زهه‌بێ حه‌نبه‌ليدا دوو ره‌ئى يێت هه‌ين، هه‌روه‌سا د مه‌زهه‌بێ شافعيدا ژى يا دورستتر ئه‌ڤه‌يه سه‌له‌وات د ته‌حياتا دوويێدا واجبه و خودێ چێتر دزانيت.
