ب / پێدڤيه مرۆڤ خه‌مێ ژ هه‌مى نڤێژێت خۆ بخۆت نه‌خاسمه نڤێژا سپێدێ، چونكى ئه‌ڤێت دى هه‌مى يێت ب نڤێژا سپێدێڤه د گرێداينه، هه‌كه نڤێژا سپێدێ هاته‌كرن.. ب ئانه‌هيا خودێ ئه‌ڤێت دى ژى دێ ئێنه‌كرن، و هه‌كه سستى د يا سپێدێدا هاته‌كرن ئه‌و سستى دێ گه‌هيته نڤێژێت دى ژى. و پێدڤيه بزانين د نڤێژا سپێدێدا ملياكه‌تێت رۆژێ و شه‌ڤێ خۆ لێك دگوهۆرن و شه‌هده‌يێ بۆ نڤێژكه‌رى دده‌ن، ئه‌وێ ژ وه‌ختێت وێ ده‌ربێخيت يان نه‌كه‌ت ئه‌و ژ شه‌هده‌ييا خێرێ يا ملياكه‌تان بێ بار بوو. خودايێ مه‌زن د ده‌رهه‌هێ نڤێژا سپێدێدا دبێژيت: (( وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا )) و نڤێژا سپێدێ يێت لێ هشيار بن، ب راستى نڤێژا سپێدێ ملياكه‌ت ل سه‌ر شاهدن. و بۆ وان كه‌سێت دره‌نگ ژ خه‌و رادبن، پێدڤيه هه‌ر ده‌مێ ئه‌و ژ خه‌و رابوون ئه‌و نڤێژا سپێدێ بكه‌ن، رۆژ هه‌لات بيت يان نه، به‌لێ ب مه‌رجه‌كى نه هه‌رۆژ وه‌بكه‌ت و نه‌كوو به‌روه‌خت رابوويه، به‌لێ هه‌ر يێ خۆ خه‌يشاندى، هه‌تا رۆژ ده‌ركه‌فتى و خودێ چێتر دزانيت.
