ب / پێدڤيه بزانين هه‌ر گاڤا موسلمانى ده‌ست هاڤێته نڤێژێ، شه‌يتان بزاڤێ دكه‌ت ئه‌و نڤێژا خۆ ب ره‌نگێ دورست نه‌كه‌ت، و دێ ئێت كه‌ڤيته د ناڤبه‌را مرۆڤى و هزرا ويدا، و دبێژتێ بيرا خۆ بينه ل ڤى تشتى و ڤى تشتى ـ ژ وان تشتێت ل بيرا وى نه‌ماين ـ هه‌تا وه‌ل مرۆڤى دئێت نوزانيت چه‌ند ركاعه‌ت كرن، پێغه‌مبه‌ر (سلاڤێت خودێ لێ بن) دبێژيت: ((هه‌كه نه‌زانى كا وى سێ كرن يان چار كرن.. بلا دوو سوجدێت سه‌هوێ ببه‌ت هێژ ئه‌و يێ روينشتى)). بوخارى و موسلمى ئه‌ڤ حه‌ديسه ڤه‌گێرايه.
له‌وا پێدڤيه هزرێت مرۆڤى ل سه‌ر نڤێژێ د كۆم بن و مرۆڤ ژ نڤێژێ نه‌ده‌ركه‌ڤيت، چونكى مژويلى و بێ ئاگه‌هيا مرۆڤى خێرا مرۆڤى يا نڤێژێ كێم دكه‌ت. عه‌مارێ كورێ ياسرى(خودێ ژێ رازى بيت)، دبێژيت: من گوه ل پێغه‌مبه‌رى (سلاڤێت خودێ لێ بن) بوو گۆت: ((يێ هه‌ى دێ ژ نڤێژا خۆ ده‌ركه‌ڤيت و ژ نڤێژێ ژبلى ده‌هێك يان نه‌هێك يان هه‌شتێك يان حه‌فتێك يان شه‌شێك و پێنجێك يان چارێك يان سێك يان نيڤ تنێ بۆ هاتيه نڤيسين)). ئه‌ڤه و هزرێت خراب ب چو ره‌نگ بيت ل سه‌ر نڤێژێ بيت يان ده‌رڤه‌ى نڤێژێ دڤێت ئه‌و هزر نه‌ئێنه سه‌ر ئه‌زمانێ مرۆڤى و نه‌بنه كاروكريار. و هه‌كه ئه‌ڤ هزره به‌رده‌وام بۆ ته به‌س ل سه‌ر نڤێژێ چێدبن و نڤێژ ل به‌ر ته به‌رزه دبن، هينگێ ئه‌ز ته ب ئه‌ڤا خوارێ شيره‌ت دكه‌م هه‌روه‌كى موسلمى ژ عوسمانێ كورێ ئه‌بى عاسى ڤه‌گێرايى دبێژيت: (( يا رَسُولَ اللَّهِ إِنَّ الشَّيْطانَ قد حَالَ بَيْنِي وَبَيْنَ صَلاتِي وَقِرَاءَتِي ێلْبِسُهَا عَلَێ فقال رسول اللَّهِ ذاكَ شَيْطانٌ يُقَالُ له خَنْزَبٌ فإذا أَحْسَسْتَهُ فَتَعَوَّذ بِاللَّهِ منه وَاتْفِلْ على ێسَاركَ ثلَاثا قال فَفَعَلْتُ ژلك فَأَذهَبَهُ الله عَنِّي)). ئانكو: گۆتى ئه‌ى پێغه‌مبه‌رێ خودێ شه‌يتان دكه‌ڤيته ناڤبه‌را من و نڤێژا مندا و خواندنا من ل به‌ر من به‌رزه دكه‌ت. ئينا پێغه‌مبه‌ري (سلاڤێت خودێ لێ بن) گۆت: ((ئه‌و شه‌يتانه‌كه دبێژنێ خه‌نزه‌ب، هه‌كه تو پێ حه‌سياى بێژه: أعوذ بالله من الشيطان الرجيم، و سێ جاران تفكه ره‌خێ خۆ يێ چه‌پێ)). عوسمان دبێژيت: من وه‌كر خودێ ژ من دا پاش و خودێ چێتر دزانيت.
