ب / د كتێبێت فقهيدا يا هاتى كو نڤێژێت ب كولاڤێ سپى ب خێرترن، به‌لێ ب راستى چو ده‌قێت دورست ژ حه‌ديسێت پێغه‌مبه‌رى (سلاڤێت خودێ لێ بن) ب ڤێ چه‌ندێ نه‌هاتينه، و زانايێ ناڤدار ئهلبانىخودێ ژێ رازى بيت)، كتێبه‌كا تايبه‌ت ل سه‌ر نڤێژا ب كولاڤ و شاشك نڤيسايه، و هه‌ر حه‌ديسه‌كا ل سه‌ر ڤى بابه‌تى هه‌بيت يا د ڤێ كتێبێدا ئيناى، به‌لێ پا چو د دورست نينن، يان يێت دره‌ون يان زێده د له‌وازن. و راسته پێغه‌مبه‌ر (سلاڤێت خودێ لێ بن) يێ ب شاشك بوو، به‌لێ ئه‌ڤه ڤێ ناگه‌هينيت نڤێژا ب كولاڤ يان يا ب شاشك سونه‌ته، چونكى شاشك ل وى سه‌رده‌مى عه‌ده‌ت بوو، و تشتێت عه‌ده‌ت ژى گه‌له‌كن. بۆ نموونه: جلك ژى عه‌ده‌تن، ئيزار ژى عه‌ده‌ته… هتد.
ڤێجا چاڤلێكرن د ڤان تشتاندا نه‌سونه‌ته، و هه‌ر مله‌ته‌كى عه‌ده‌تێت خۆ يێت هه‌ين، و هه‌ر مله‌ته‌كى جلكێت خۆ يێت هه‌ين، و نه‌يا به‌رعه‌قله د ڤان هه‌مى تشتاندا چاڤلێكرن بێته‌كرن. و ئه‌ز دبێژم چو قه‌يدى نينه يێ بڤێت شاشكێ يان كولاڤى بكه‌ته سه‌رێ خۆ، به‌لێ چو حه‌ديس نينن دياركه‌ت خێرا وى مه‌زنتره؛ چونكى پێغه‌مبه‌رى (سلاڤێت خودێ لێ بن) شاشك نه بۆ نڤێژێ د سه‌رى بوو وه‌كى ئه‌م هنده‌كان دبينين كولاڤێ وان يێ د به‌رويكا واندا و ده‌مێ راوستيانه نڤێژێ ژ نوى كولاڤێ خۆ ده‌ردئێخن چو بۆ ڤێ نينه.
نه‌رازيبوونا پيره‌مێران ل سه‌ر ئيمامێ بێ كولاڤ يا خه‌له‌ته، و ئه‌ز دشێم بێژم د گونه‌هكارن، چونكى ئه‌و يێ تشته‌كي ل سه‌ر ئيمامى فه‌رز دكه‌ن خۆ نه‌سونه‌ته ژى. و هه‌كه كولاڤ و شاشك بێ شك سونه‌ت ژى بن.. نه‌يا دورسته ئه‌و خۆ عێجزكه‌ن و نه‌رازى بكه‌ن و ل سه‌ر ئيمامى بدانن دڤێت تشته‌كي بكه‌ته سه‌رێ خۆ. پا تو چ دبێژى هه‌كه سونه‌ت ژى نه‌بيت. يا فه‌ر ئه‌م بزانين د هه‌ردوو حاله‌تاندا ـ چ سونه‌ت بيت يان سونه‌ت نه‌بيت ـ پيره‌مێر د گونه‌هكارن خۆ نه‌رازى بكه‌ن.
ل ده‌ف حه‌نه‌فيان هه‌كه سه‌ركۆلى دێ پتر هاريكار بيت كو مرۆڤ د نڤێژێدا بترسيت هينگێ ب خێرتره مرۆڤ يێ بێ كولاڤ بيت، خۆ هه‌كه مرۆڤ يێ ب كولاڤ بيت كولاڤێ خۆ بدانيت و خودێ چێتر دزانيت.
