ب / د گه‌له‌ك حوكمێت نڤێژێدا واقعيه‌تا ئيسلامێ ديار دبيت دگه‌ل كو نڤێژ روكنێ موسلمانيه و نه‌روكنێ ئيسلامێ ب تنێيه، ئانكو: دڤێت ب چو ره‌نگان نڤێژ نه‌ئێته هێلان و دگه‌ل كو سكرێ ناڤبه‌ينا موسلمانى و كافرى نڤێژه و دگه‌ل كو نڤێژ ستوينا ئيسلامێيه، به‌لێ دگه‌ل هندێ ژى چاڤدێريا سروشتێ مرۆڤى گه‌له‌ك و گه‌له‌ك يێ تێدا هاتيه‌كرن و ئه‌حكامێت وێ نه د هشكن. بۆ نموونه: نڤێژ دڤێت د وه‌ختێ وێدا بێته‌كرن (( إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا)) به‌لێ دگه‌ل هندێ ژى، دبيت هنده‌ك جاران مرۆڤ دێ ژبيركه‌ت، يان دێ نڤيت و نارابيته‌ڤه هه‌تا ژ وه‌ختێ وێ ده‌ردكه‌ڤيت، هينگێ هه‌ر وه‌ختێ هاته بيرێ دێ نڤێژێ كه‌ت ﭽ ﭟ ﭠ ﭡﭼ و نڤێژ دڤێت ژ پێرڤه بێته‌كرن، به‌لێ هه‌كه مرۆڤ يێ نه‌خۆش بيت بۆ هه‌يه روينيته خوارێ، و چه‌وا شيا دێ وه‌سا كه‌ت.
و نڤێژێ دڤێت ده‌ستنڤێژ بۆ بێته گرتن، به‌لێ هه‌كه ئاڤ نه‌بوو، يان نه‌شێت ئاڤێ ب كاربينيت ب ته‌يه‌مومێ دێ ئێته‌كرن. و هه‌كه مرۆڤ نه‌شێت ته‌يه‌مومێ بكه‌ت و نه‌شێت ده‌ستنڤێژێ بگريت هينگێ چه‌وا بيت دێ نڤێژێ كه‌ت، خۆ بلا بێ ده‌ستنڤێژ ژى بيت، و هه‌ر نڤێژه‌ك دڤێت د وه‌ختێ خۆدا بێته‌كرن، به‌لێ هه‌كه تو يێ نه‌خۆشى، يان ل سه‌ر سه‌فه‌رێى، بۆ ته يا گرانه تو دشێى يا نيڤرۆ و ئێڤارى دگه‌ل ئێك كۆمكه‌ى.. هه‌چيا ببه‌يه سه‌ر يا دى دورسته، و ديسا تو دشێى يا مه‌غره‌ب و عه‌يشا دگه‌ل ئێك كۆمكه‌ى هه‌چيا بچيته سه‌ر يا دى دورسته.
هۆسا بۆ مه واقعيه‌تا ئيسلامێ باش و باش د ڤى روكنيدا ئاشكرا دبيت، و هه‌كه ڤى روكنێ سه‌ره‌كى ب ڤى ره‌نگى سروشت و واقعێ مرۆڤان به‌رچاڤ گرتبيت پا چه‌وا د ئه‌حكامێت ديدا دێ ژبيركه‌ت، به‌لێ بۆ ده‌يكێ هه‌يه ده‌مێ بچويكێ وێ دكه‌ته گرى نڤێژا خۆ سڤك بكه‌ت، و له‌زێ لێ بكه‌ت. پێغه‌مبه‌رێ مه (سلاڤێت خودێ لێ بن) ده‌مێ نڤێژ ل مزگه‌فتێ ب موسلمانان دكر، و گوه ل گريا زارۆكان دبوو؛ ژبه‌ر ده‌يكێت وان له‌ز ل نڤێژێ دكر؛ چونكى ل سه‌ر ده‌مێ پێغه‌مبه‌رى(سلاڤێت خودێ لێ بن) ژن دچۆنه مزگه‌فتێ و بچويكێت خۆ يێت ب شير ژى دگه‌ل خۆ دبرن. و هه‌كه ژنێ ديت بچويكێ وێ دێ به‌ر ب ئاگره‌كيڤه چيت يان هه‌ر زيانه‌كا هه‌بيت نڤێژا خۆ براوه‌ستينيت و قه‌ستا كورێ خۆ بكه‌ت، و ژ وێ زيانێ دوير بێخيت، و پاشى بزڤريته نڤێژا خۆ جهێ لێ راوه‌ستاندى ده‌ست پێ بكه‌ته‌ڤه. و هۆسا نڤێژا خۆ تمام بكه‌ت نه نڤێژه‌كا نوى بكه‌ت و خودێ چێتر دزانيت.
