ب/ ده‌ستپێكێ ـ به‌رى حيكمه‌تێ بزانين ـ دڤێت بزانين پێغه‌مبه‌رى (سلاڤێت خودێ لێ بن) وه‌سا يا كرى و ئه‌مرێ مه پێ كرى ئه‌م وه‌سا بكه‌ين هه‌روه‌كى ژ پێغه‌مبه‌رى (سلاڤێت خودێ لێ بن) هاتيه وه‌رگرتن، چونكى پێغه‌مبه‌ر (سلاڤێت خودێ لێ بن) دبێژيت: ((صَلُّوا كما رَأَيْتُمُونِي أُصَلِّي)).
ل دۆر حيكمه‌تا ده‌نگ بلندكرنێ د نڤێژا مه‌غره‌ب و عه‌يشا و سپێدێدا، زانا دبێژن: رۆژێ به‌رده‌وام ده‌نگ تێدا د بلندن و قه‌ره‌بالغه و ده‌نگ نزمى تێدا پتر هاريكاره ترس و خشووع بۆ مرۆڤى چێببيت، به‌لێ بۆ نڤێژێت شه‌ڤێ دئێنه‌كرن خواندنا ب ده‌نگێ بلند پتر هاريكاره هزرێت مرۆڤى د نڤێژا مرۆڤيدا كۆم ببن، چونكى سه‌قايێ گشتى يێ بێ ده‌نگه له‌وا مرۆڤى باش هاى ژ خۆ هه‌بيت و ده‌نگێ بلند بيت پتر كارلێكرنا باش دێ هه‌بيت و خودێ چێتر دزانيت.
