ب / دوو ده‌ق پتر غه‌يرى خۆ كار پێ دئێته‌كرن، و ب تايبه‌ت ژ وان ده‌قێ ئێكێ، ئه‌و ژى ئه‌ڤه‌يه:
بوخارى و موسلم ژ عه‌بدوللايێ كورێ مه‌سعوودى(خودێ ژێ رازى بيت)، ڤه‌دگێرن، دبێژيت: پێغه‌مبه‌رى (سلاڤێت خودێ لێ بن) يا گۆتى: ((ده‌مێ هوين روينشتن بۆ ته‌حياتێ بێژن: (التَّحِێاتُ لِلَّهِ وَالصَّلَوَاتُ وَالطيِّبَاتُ السَّلَامُ عَلَيْكَ أَيُّهَا النبي وَرَحْمَه اللَّهِ وَبَرَكَاتُهُ السَّلامُ عَلَيْنَا وَعَلَى عِبَادِ اللَّهِ الصَّالِحِينَ أَشْهَدُ أَنْ لا إِلَهَ إلا الله وَأَشْهَدُ أَنَّ مُحَمَّدًا عَبْدُهُ وَرَسُولُهُ)) پاشى پێغه‌مبه‌رى گۆت: پشتى ڤێ هه‌ر دوعايه‌كا بڤێت بلا بۆ خۆ بكه‌ت. ئيمامێ موسلم دبێژيت: باراپتر ژ موسلمانان دگه‌ل ڤێ ته‌حياتێنه. و ژ هه‌مى ده‌قان دورستتره، چونكى ئه‌وێت ژ عه‌بدوللايێ كورێ مه‌سعوودى ڤه‌گوهاستين هه‌مى ب ئێك ده‌ق يێ ڤه‌گوهاستى.
ئبن عه‌باس(خودێ ژێ رازى بيت)، دبێژيت: پێغه‌مبه‌رى (سلاڤێت خودێ لێ بن) كا چاوا قورئان نيشا مه ددا.. وه‌سا ته‌حيات ژى نيشا مه ددا و دگۆته مه بێژن: ((التَّحِێاتُ الْمُبَارَكَاتُ الصَّلَوَاتُ الطيِّبَاتُ لِلَّهِ السَّلَامُ عَلَيْكَ أَيُّهَا النبي وَرَحْمَه اللَّهِ وَبَرَكَاتُهُ السَّلَامُ عَلَيْنَا وَعَلَى عِبَادِ اللَّهِ الصَّالِحِينَ أَشْهَدُ أَنْ لَا إِلَهَ إلا الله وَأَشْهَدُ أَنَّ مُحَمَّدًا رسول اللَّهِ))، و ئه‌ڤه ڤه‌گێرانا شافعى و موسلمى و نه‌سائى و ئه‌بى داووديه، و ئيمامێ شافعى دبێژيت: هه‌چيا ژ ڤان هه‌ردوويان بێته خواندن دورسته و خودێ چێتر دزانيت.
