ب / دڤێت ئه‌م ب چاڤه‌كێ زێده مه‌زن به‌رێ خۆ بده‌ينه سونه‌تان، و بزانين سونه‌تن پشتى فه‌رزان مرۆڤى نێزيكى خودايێ مه‌زن دكه‌ن، و سونه‌ت مرۆڤى دگه‌هيننه حه‌ژێكرنا خودێ، و سونه‌تن ده‌ست و چاڤ و پيان سه‌رفه‌راز دكه‌ن و به‌رێ وان دده‌نه خێرێ و به‌رێ وان ژ خرابيان دده‌نه پاش، پێغه‌مبه‌ر (سلاڤێت خودێ لێ بن) دبێژيت هه‌لبه‌ت هه‌روه‌كى بوخارى(خودێ ژێ رازى بيت)، ڤه‌دگێريت: دبێژيت: خودايآ مه‌زن دبێژيت: (( وما تقرَّبَ إِلَێ عبْدِي بِشْيءٍ أَحبَّ إِلَێ مِمَّا افْتَرَضت عليْهِ: وما ێزالُ عبدي يتقرَّبُ إِلى بالنَّوافِل حَتَّى أُحِبَّه، فَإِذا أَحبَبْتُه كُنْتُ سمعهُ الَّذي يسْمعُ به، وبَصره الژي يُبصِرُ بِهِ، ويدَهُ التي ێبْطش بِهَا، ورجلَهُ التي يمْشِي بها، وَإِنْ سأَلنِي أَعْطيْتَه، ولَئِنِ اسْتَعَاذنِي لأُعِيذنه)) و به‌نده‌يێ من ب چو تشتان خۆشتڤيتر خۆ نێزيكى من ناكه‌ت ژ وى تشێ من ل سه‌ر وى فه‌رزكرى، و به‌رده‌وام به‌نده‌يێ من ب سونه‌تان دێ نێزيكى من بيت، حه‌تا ئه‌ز حه‌ژێ بكه‌م، هه‌كه من حه‌ژێ كر، من چاڤێ وى پاراست يێ پێ گولێ دبيت، و چاڤێ وى يێ پێ دبينيت، و ده‌ستێ وى يێ پێ ب هێز دگريت، و پێ وى يێ پێ دچيت، و هه‌كه داخوازێ ژ من بكه‌ت من دايێ، و هه‌كه خۆ ب من بپارێزيت بێ شك دێ پارێزم. ئه‌ڤه د دنيايێدا.. و د ئاخره‌تێدا سونه‌ت جهێ كێم و كاسيێت فه‌رزان دگرن، و حه‌ديسا دورست پێغه‌مبه‌ر (سلاڤێت خودێ لێ بن) دبێژيت: ((خودايێ مه‌زن دێ بێژته ملياكه‌تان سه‌حكه‌نه نڤێژێت به‌نده‌يێ من، هه‌كه ملياكه‌تان كێم و كاسيه‌ك تێدا ديت، خودايێ مه‌زن دێ بێژيته وان: سه‌حكه‌نه سونه‌تێت به‌نده‌يێ من، كێم و كاسيێت فه‌رزێت وى پێ پر بكه‌ن.
ژبه‌ر ڤێ پێدڤيه ئه‌م خه‌مێ ژ هه‌مى سونه‌تان بخوين، چونكى خێرا دنيا و ئاخره‌تێ يا تێدا و خودێ چێتر دزانيت.
