ب/ ده‌ف مه‌زهه‌بێ حه‌نه‌في ب تنێ خواندنا تشته‌كى ژ قورئانێ پشتى فاتحێ واجبه، و به‌لگێ وان ژى حه‌ديسا سه‌عيدێ خودريه(خودێ ژێ رازى بيت)، دبێژيت: ((أَمَرَنَا نَبِيُّنَا صلى الله عليه وسلم أَنْ نَقْرَأَ بِفَاتِحَه الْكِتَابِ وَمَا تَێسَّرَ )). ئه‌بو داوود و ئيمام ئه‌حمه‌د و ئبن حه‌بانى ڤه‌گێرايه، و دبێژن: ئه‌ڤ فه‌رمان و ئه‌مره بۆ واجبيه، به‌لێ جمهورێ زانايان دبێژن: خواندنا تشته‌كى ژ قورئانێ پشتى فاتحا ركاعه‌تا ئێكێ و دووێ سونه‌ته نه‌واجبه، به‌لگه ژى گۆتنا ئه‌بو هوره‌يره‌يه خودێ ژێ رازى بيت) دبێژيت: هه‌ر تشته‌كێ د نڤێژێدا دهێته خواندن يا پێغه‌مبه‌رى (سلاڤێت خودێ لێ بن) ل به‌ر گوهێت مه ئێخستى ئه‌م ژى دێ ل به‌ر گوهێت هه‌وه ئێخين، و يا ل مه ڤه‌شارتى ئه‌م ژى دێ ل هه‌وه ڤه‌شێرين، و هه‌كه تو د نڤێژێدا فاتحێ ب تنێ بخوينى دورسته، و هه‌كه تشته‌كێ دى ژى بخوينى ئه‌و چێتره، هه‌لبه‌ت ئه‌ڤ حه‌ديسه ئيمام ئه‌حمه‌دى ڤه‌گێرايه.
ل ڤێرێ دهێته زانين نه‌واجبه مرۆڤ تشته‌كى ژ قورئانێ پشتى فاتحێ د ركاعه‌تا ئێكێ و دووێدا بخوينيت، به‌لێ يا باشتر مرۆڤ بخوينيت چونكى سونه‌ته و خودێ چێتر دزانيت.
