ب/به‌لێ حه‌ديس ل سه‌ر ڤێ چه‌ندێ يێت هاتين، و قورئانا پيرۆز ژى دوجاركى دوپاتيێ ل سه‌ر نڤێژا ئێڤارى دكه‌ت، جاره‌كێ دگه‌ل هه‌مى نڤێژان پێكڤه، و جاره‌كێ ب تنێ ده‌مێ دبێژيت: ((حَافِظُوا عَلَى الصَّلَوَاتِ وَالصَّلَاةِ الْوُسْطَىٰ وَقُومُوا لِلَّهِ قَانِتِينَ)) ئانكو: نڤێژان هه‌ميان بپارێزن (ﭔ ﭕ) و نڤێژا ئێڤارى ب تايبه‌ت، پێغه‌مبه‌ر (سلاڤێت خودێ لێ بن) دبێژيت: هه‌ركه‌سێ نڤێژا ئێڤارى لێ بچيت هه‌روكى وى عه‌مه‌لێ خۆ هه‌مى ژ ده‌ست خۆ برى، هه‌لبه‌ت ئه‌ڤ حه‌ديسه ژ ڤه‌گێرانا ئيمام ئه‌حمه‌د و ئبن ماجه‌يه.
و د حه‌ديسه‌كا ديدا بوخارى و موسلم و ترمزى و ئبن ماجه و ئه‌بو داوود و نه‌سائى هه‌مى ژ ئبن عه‌باس(خودێ ژێ رازى بيت)، ڤه‌دگێرن، گۆت: ((هه‌ركه‌سێ نڤێژا ئێڤارى لێ بچيت هه‌روه‌كى ئه‌و ژ مال و كه‌س و كارێت خۆ ڤه‌قه‌تياي، يان ژى هه‌روه‌كى مالێ وى و كه‌س و كارێت وى ژێ هاتينه ستاندن)). ئانكو مايه بێ كه‌س و ژ هه‌ميان خوساره‌ت بووى و خودێ چێتر دزانيت.
