ب / ياباش ئه‌وه مرۆڤ يێ ب ساناهي بيت و زه‌حمه‌تكه‌ر و زه‌حمه‌تئێخ نه‌بيت، و هه‌ستياريا مرۆڤى يا زێده نه‌بيت يان يا د جهێ خۆدا نه‌بيت، بچويكن دێ هه‌ر ئێن و چن، و بچويك ناهێنه زه‌بكرن، به‌لێ يا فه‌ر ئه‌و هزرێت من فمن بن و ئه‌ز ل سه‌ر هزرێت خۆ بم و هند مرۆڤ خۆ ب بچويكان هه‌ستيار نه‌كه‌ت، چونكى يا هاتيه ڤه‌گێران پێغه‌مبه‌رێ خودێ (سلاڤێت خودێ لێ بن) نه‌ڤيا خۆ، ئومه‌يما كچا زه‌ينه‌بێ، د نڤێژێدا يا هه‌لگرتى ده‌مێ رادبووڤه هه‌لدگرت، و ده‌مێ دچۆ سوجدێ ددانا، و ديسا هاتيه ڤه‌گێران، پێغه‌مبه‌رێ خودێ (سلاڤێت خودێ لێ بن) يێ هاتيه نڤێژێ حه‌سن يان حوسێن خودآ ژ هه‌ردوويان رازى بيت نه‌ڤيێ وى ڤێ بوو و ده‌ست نڤێژێ كر سوجده‌كا خۆ زێده درێژكر، عه‌بدوللايێ كورێ شه‌دادى ژ بابێ خۆ(خودێ ژێ رازى بيت)، دبێژيت: من سه‌رێ خۆ بلندكر، من ديت نه‌ڤيێ وى يێ ل سه‌ر پشتا وى، پشتى نڤێژا خۆ خلاسكرى، خه‌لكى گۆتێ: يا پێغه‌مبه‌رێ خودێ ته سوجده‌كا درێژ كر، مه هزركر تشته‌كێ چێ بووى، يان وه‌حيا بۆ ته دهێت. ئينا پێغه‌مبه‌رێ خودێ (سلاڤێت خودێ لێ بن) گۆت: ((نه ئه‌و بوو و نه ئه‌و بوو، به‌لێ كورێ من هاتبوو سه‌ر پشتا من، و من نه‌دڤيا ئه‌ز له‌زێ لێ بكه‌م، من دڤيا ب دلێ خۆ بێته خوارێ)). هه‌لبه‌ت ئه‌ڤ حه‌ديسه يا دورسته ژى و ژ ڤه‌گێرانا ئيمام ئه‌حمه‌د و نه‌سائى و حاكميه، به‌رێ خۆ بدێ كا پێغه‌مبه‌رێ خودێ (سلاڤێت خودێ لێ بن) د نڤێژێدا دگه‌ل بچويكان يێ چاوا بوو، دڤێت ئه‌م ژى وه‌سا بين و هند خۆ عێجز نه‌كه‌ين هه‌كه بچويكه‌ك هاته به‌ر نڤێژا مرۆڤى يان قه‌ره‌بالغ كر و خودێ چێتر دزانيت.
