ب/ هنديكه دينه دڤێت ئه‌م ژ پێغه‌مبه‌ري (سلاڤێت خودێ لێ بن) وه‌رگرين و بزانين و پسياره‌كا وه‌كى ڤێ ژ عائيشايێ دايكا مه موسلمانان خودێ ژێ رازى بيت) هاته‌كرن، گۆتنێ: بۆچى ژن د عادێدا رۆژيان دگريته‌ڤه و نڤێژان ناكه‌ته‌ڤه؟ گۆت: هۆسا ئه‌مرێ مه يێ هاتيه‌كرن، ڤێجا دڤێت بزانين يێ وه‌ختێ نڤێژا و سونه‌تان بۆ مه دياركه‌ت پێغه‌مبه‌ره (سلاڤێت خودێ لێ بن) و وى بۆ مه دياركريه د ڤان ده‌ماندا سونه‌ت ناهێنه‌كرن.
ئه‌ڤه هه‌كه تو لێ بگه‌رى و ته بڤێت د ڤان وه‌ختاندا سونه‌تێ بكه‌ى، به‌لێ هه‌كه ئه‌گه‌ره‌ك بۆ هه‌بيت وه‌كى سونه‌تا سلاڤا مزگه‌فتێ و نڤێژا عه‌يدێ و يا بارانێ و يا مري يا دورستتر، دورسته نڤێژ تێدا بێنه‌كرن، به‌لێ ب مه‌رجێ مه گۆتى، به‌لگه ژى كارێ پێغه‌مبه‌رێ خۆشتڤيه (سلاڤێت خودێ لێ بن) هه‌روه‌كى د بوخاريێدا هاتى: سونه‌تا نيڤرۆ پشتى نڤێژا ئێڤارى قه‌زاكر، ئه‌ڤه به‌لگه‌يه هه‌كه ئه‌گه‌ره‌ك هه‌بيت دورسته و خودێ چێتر دزانيت.
