ب /سوجدا شوكرێ نه‌يا ب هندێڤه گرێدايه ئه‌ينيێ جاره‌كێ يان هه‌يڤێ جاره‌كێ بێته برن، سوجدا شوكرێ بۆ هندێيه ئه‌گه‌ر مرۆڤ ژ نه‌خۆشيه‌كێ قورتال بوو، يان ژى نيعمه‌ت و خنێكه‌ك بۆ مرۆڤى چێ بوو، يان كه‌يفخۆشى و دلخۆشيه‌ك بۆ مرۆڤى چێ بوو، مرۆڤ سوپاسى و شوكرا خودايێ مه‌زن بكه‌ت، و بۆ وى يێ ئه‌ڤ كه‌ره‌مه دگه‌ل من كرى بچمه سوجدێ.
ئه‌بو به‌كره‌ته خودێ ژێ رازى بيت) دبێژيت: (( أَنَّهُ كان إذا جَاءَهُ أَمْرُ سُرُورٍ أو بُشِّرَ بِهِ خَرَّ سَاجِدًا شَاكِرًا لِلَّهِ)). پێغه‌مبه‌رێ مه (سلاڤێت خودێ لێ بن) ئه‌گه‌ر تشته‌ك بۆ هاتبا پێ خۆش ببا يان مزگينيه‌ك بۆ هاتبا دا چيته سوجدێ، شوكر و سوپاسى بۆ خودێ. و زانايێ ناڤدار شه‌وكانى(خودێ ژێ رازى بيت)، دبێژيت: د هه‌ر كراسه‌كێ هه‌بيت دا مرۆڤ دشێت بچيته سوجدا شوكرێ ـ چ يێ ب ده‌ستنڤێژ بيت چ ژى نه يێ ب ده‌ستنڤێژ بيت ـ و خودێ چێتر دزانيت.
