ب / ئه‌گه‌ر گري تشته‌كێ گرێداى بيت ب نڤێژێڤه ژبه‌ر كو مرۆڤ پێڤه هاته گرێدان و دگه‌ل كارا بوو و كارتێكرن ل مرۆڤى هاته‌كرن ژبه‌ر سه‌هما راوه‌ستانێ، تشته‌كێ جوانه و چو تێدا نينه، و چو زيانێ ناگه‌هينيته نڤێژێ، و نڤێژ پێ به‌تال نابيت؛ چونكى يا هاتيه زانين پێغه‌مبه‌رێ مه (سلاڤێت خودێ لێ بن) ل سه‌ر نڤێژێ يێ كريه گرى و ده‌نگێ گرى ل سينگێ ويدا وه‌كى ده‌نگێ كه‌لا قازانكێ ل سه‌ر ئاگرى يێ هاتى.
عه‌بدواللايێ كورێ شه‌خيرى خودێ ژێ رازى بيت)، ژ بابآ خۆ ڤه‌دگێريت، دبێژيت: ئه‌ز هاتمه ده‌ف پێغه‌مبه‌رێ خودێ (سلاڤێت خودێ لێ بن) و وى نڤێژ دكر و سينگێ وى ژ گرى ده‌نگێ كه‌لينا قازانێ ژێ دهات. ديسا ژ عومه‌رێ كورێ خه‌تابى خودێ ژێ رازى بيت) هاتيه.. نڤێژا سپێدێ دكر و ب جه‌ماعه‌ت و سۆره‌تا يوسف دخواند، ده‌مێ ((إِنَّمَا أَشْكُو بَثِّي وَحُزْنِي إِلَى اللَّهِ)) كره گرى و ده‌نگێ وى يێ گرى هند بلند بوو، هه‌تا هه‌ميان گولێ بووى. ديسا بۆ مه ژ پێغه‌مبه‌رێ مه يێ خۆشتڤى (سلاڤێت خودێ لێ بن) هاتيه زانين دويماهيا ژيێ خۆ فه‌رمان كر ئيمام ئه‌بو به‌كر خودێ ژێ رازى بيت) به‌ري موسلمانان نڤێژێ بكه‌ت، عايشايێ دايكا مه موسلمانان خودێ ژێ رازى بيت) گۆتێ: ئه‌بو به‌كر يێ دل نازكه و نه‌شێته خۆ دێ كه‌ته گرى، به‌لێ پێغه‌مبه‌رێ خودێ (سلاڤێت خودێ لێ بن) هه‌ر ل سه‌ر فه‌رمانا خۆ يێ رژد بوو. زانا دبێژن: ئه‌ڤه نيشان و به‌لگه‌يه ژ پێغه‌مبه‌رێ خودێ (سلاڤێت خودێ لێ بن) كو گرى ل سه‌ر نڤێژێ دورسته و خودێ چێتر دزانيت.
