ب/ ئه‌ڤه دمينيته سه‌ر چه‌وانيكرنا نڤێژا هه‌ردوويان، ئه‌گه‌ر ئيمامي نڤێژ وه‌كى پێدڤى كر و حه‌قێ هه‌مى بزاڤ و حه‌ره‌كێت نڤێژێ دايێ و ب ترس نڤێژا خۆ كر، هنگى ئه‌و خودانێ خێرا خۆيه ژى و خێرا وان ژى ئه‌وێت پشت وى دكه‌ن، چونكى ئه‌و نڤێژا ب جه‌ماعه‌ت ب وان دده‌ته كرن.
ل ڤێرێ دهێته زانين يێ خودانێ خێرا خۆ بيت و خێرا غه‌يرى خۆ ژى بيت خێرا وى مه‌زنتره، به‌لێ ئه‌گه‌ر يێ پشت نڤێژ پتر ب نڤێژا خۆڤه يێ گرێداى بيت و دگه‌ل يێ كارا بيت و هزرێت وى د نڤێژا ويدا د كۆم بن و نڤێژا خۆ ب ره‌نگێ دورست و پێدڤى بكه‌ت و هشێت وى ب نڤێژێڤه د گرێداى بن د نڤێژا خۆ بگه‌هيت و ئيمام يێ وه‌سا نه‌بيت، هنگى خێرا وى مه‌زنتره، به‌لێ هه‌كه هه‌ردوو وه‌كى ئێك بن.. خێرا ئيمامى مه‌زنتره، چونكى ئه‌و سوچدارێ نڤێژا خۆيه و غه‌يرى خۆيه ژى و خودێ چێتر دزانيت.
