ب / ئه‌ڤ كارێ ته كرى.. نه‌خشه‌كى بۆ خۆ بدانى و ل سه‌ر بچى كاره‌كێ جوانه و دوعا دكه‌ين خودێ هاريكارێ ته بيت و ته رابگريت، و هه‌ر يێ به‌رده‌وام بى سه‌ر نه‌خشێ خۆ، به‌لێ فه‌ره ل ڤێرێ ئه‌م بێژين: يا فه‌ره ئه‌م هندێ بگرين هندى بشێين و زێده نه‌ده‌ينه به‌ر خۆ، چونكى ئاسايى يا زێده يا ڤه‌قه‌تيايه، و نه‌يا ب دۆمه، و به‌رده‌وامى بۆ نينه، و زوى دێ مرۆڤ وه‌ستيت، و هه‌ميێ پێكڤه دێ هێليت، و كێما به‌رده‌وام گه‌له‌ك باشتره ژ گه‌له‌كێ ڤه‌بريايى.
زانايێ ناڤدار ئيمامێ نه‌وه‌وى(خودێ ژێ رازى بيت)، دبێژيت: ب به‌رده‌وامبوونا كێم، عيباده‌ت و گوهدارى و زێره‌ڤانى و دلسۆزى، به‌رده‌وام دبيت، هۆسا ديار دبيت دڤێت ئه‌م دينى ل به‌ر خۆ گران نه‌كه‌ين، و ب زه‌حمه‌ت نه‌ئێخين. پێغه‌مبه‌رێ خۆشتڤى (سلاڤێت خودێ لێ بن) دبێژيت: ((دين يێ ب ساناهيه و كه‌س نينه توند و تيژيێ د دينيدا بكه‌ت و خۆ ب سه‌ر دينى بێخيت، و هه‌كه دين ب سه‌ر وێ نه‌كه‌ڤيت، دورستيخواز بن، بێ كێمكرن و بێ زێده‌كرن، و خۆ راگرن و بمينن، و د كار و بارێت خۆدا ناڤنجيخواز بن، و هه‌كه هوين نه‌شيان كارى ب ره‌نگێ پێدڤى بكه‌ن دوير نه‌كه‌ڤن و نێزيكى كارى بن، و بلا دلێ هه‌وه ب خێرا كارى خۆش بيت، و دا بگه‌هنه خێرێ، هاريكاريێ ژ ده‌ركه‌فتنا سپێدێ و ئێڤارى و پشكه‌كێ ژ دويماهيا شه‌ڤێ بخوازن)) (ئانكو دا بگه‌هنه خێرێ به‌رده‌واميێ بده‌نه كار و كريارێت خۆ). بو وى يێ زێده دده‌ته به‌ر خۆ. پێغه‌مبه‌رێ خۆشتڤى (سلاڤێت خودێ لێ بن) دبێژيت: هه‌روه‌كى دايكا مه موسلمانان عائيشا خودێ ژێ رازى بيت) دبێژيت: پێغه‌مبه‌ر (سلاڤێت خودێ لێ بن) هاته ده‌ف و ژنه‌ك ل ده‌ف بوو، گۆت: ((ئه‌ڤه كيه؟)) من گۆت: ئه‌ڤه بێڤانه، به‌حسێ نڤێژا خۆ دكه‌ت، گۆت: ((نه، هندێ بكه‌ن هوين بشێن، ئه‌ز ب خودێ كه‌مه.. خودێ بێزار نابيت هه‌تا هوين بێزار نه‌بن)) (ئانكو خه‌لاتێ كارى ژ هه‌وه نابريت هه‌تا هوين بێزار نه‌بن) و خۆشڤيترين كارێ دينى بۆ وى ئه‌و بوو يێ خودانێ وى ل سه‌ر به‌رده‌وام و خودێ چێتر دزانيت.
