ب / يا فه‌ر ئه‌وه دڤێت ئه‌م بزانين هه‌ر سوجده‌يه‌كێ دڤێت هه‌ردوو له‌پ و هه‌ردوو چۆك و هه‌ردوو سه‌رتلێت پيان و ئه‌نى و دفن بكڤنه عه‌ردى. و ئه‌و جهێ نڤێژ ل سه‌ر دهێته‌كرن دڤێت ئه‌ني بگه‌هيتێ و چو د ناڤبه‌را ئه‌نيێ و وى جهيدا نه‌بيت، و مرۆڤ هه‌ست ب ره‌حه‌تيه‌كێ بكه‌ت، و يا باشتر هند بمينيت كێم كێم سێ جاران بێژيت: (سبحان ربي الاعلى) ئه‌گه‌ر هند ما جاره‌كێ تنێ گۆت: (سبحان ربي الاعلى) دورسته، به‌لێ وه‌كى مه گۆتى يا باشتر سێ جاران كێمتر نه‌بيت، چونكى نڤێژ ديداره و راوه‌ستانه به‌رامبه‌رى خودێ، سوجده ب خۆ ژ وان جهانه يێت پتر هه‌ميان به‌نده تێدا نێزيكى خودايێ خۆ، هه‌روه‌كى پێغه‌مبه‌رێ خودێ (سلاڤێت خودێ لێ بن) دبێژيت: جهێ پتر هه‌ميان به‌نده تێدا نێزيكى خودێ وه‌ختێ ئه‌و د سوجده‌يێدا، ڤێجا گه‌له‌ك دوعايان تێدا بكه‌ن و خودێ چێتر دزانيت.
