ب / هه‌كه بزانين كا ئه‌م د نڤێژێدا به‌رامبه‌ر كێ دراوستين و كا ئه‌ڤه چ راوه‌ستيانه يا ئه‌م تێدا، و كا به‌رده‌ستێت كێداينه، و كا ئه‌ڤه چ مواجه‌هه و ديدار و ليقائه، ئه‌م هۆسا نابين و هشێت مه دێ ل سه‌رێ مه بن، و هزرێت مه دوير و پرت و به‌لاڤ نابن، و دلێ مه ب چو تشتانڤه يێ گرێداى نابيت، ژ خودێ و نڤێژا مه پێڤه‌تر، و هنگى نڤێژ ل به‌ر مه به‌رزه نابيت و ژ بيرا مه ناچيت كا ئه‌م گه‌هشتينه كيرێ. دڤێت بزانين ئه‌و نڤێژكه‌ر يێ سه‌رفه‌راز و سه‌ركه‌فتيه يێ دلێ وى د نڤێژێدا ترس و سه‌هما خودێ تێدا: ((قَدْ أَفْلَحَ الْمُؤْمِنُونَ))((الَّذِينَ هُمْ فِي صَلَاتِهِمْ )) به‌لێ ب راستى به‌س ئه‌و نڤێژكه‌ر دێ يێ سه‌رفه‌راز بيت يێ د نڤێژا خۆدا يێ ب ترس و ئاگه‌ه ژ خۆ و دلێ وى دگه‌ل خودايێ وى.
عه‌مارێ كورێ ياسرى خودێ ژێ رازى بيت) دبێژيت: من گول پێغه‌مبه‌رێ خودێ بوو (سلاڤێت خودێ لێ بن) گۆت: ((مرۆڤ يێ هه‌ى دێ ژ نڤێژا خۆ ده‌ركه‌ڤيت و بۆ نه‌هاتيه نڤێسين ده‌هێكێ نڤێژا وى نه‌بيت يان نه‌هێك يان هه‌شتێك يان حه‌فتێك يان شه‌شێك يان پێنجێك يان سێك يان نيڤ)). هه‌لبه‌ت حه‌ديس ئيمامێ نه‌سائى و ئه‌بو داوودى ڤه‌گێرايه. ل ڤێرێ ديار دبيت و هه‌روه‌كى د ئه‌سه‌رێدا هاتى: دێ هند نڤێژ بۆ به‌نده‌ى هێته نڤێسين هندى تێگه‌هشتى و ئاگه‌ه ژ خۆ هه‌ى، ئه‌و نڤێژا مرۆڤى تێدا ئاگه‌ه ژ خۆ نه.. بلا ژ سزايێ خودێ پتر بترسيت.
خودێ خێرێ ل سه‌ر بده‌تێ (حسن البصري) خودێ ژێ رازى بيت) دبێژيت: هه‌ر نڤێژه‌كا دل تێدا يێ ئاماده نه‌بيت ئه‌و پتر نێزيكى سزايێيه ژ خێرێ، و دڤێت ئه‌م بزانين شه‌يتانه‌ك كارێ وى ئه‌وه به‌س ب مرۆڤيڤه دمينيت ده‌مێ نڤێژێ؛ دا نڤێژا مرۆڤى دورست نه‌هێت، گه‌ل بانگ دا دره‌ڤيت و جاره‌كا دى دهێت هه‌تا ده‌مێ قامه‌ت هاته گرتن دره‌ڤيته‌ڤه، و پشتى خلاس دبيت دزڤريته‌ڤه دكه‌ڤيته د قالبێ نڤێژكه‌ريدا وه‌لێ بكه‌ت نوزانيت چاوا نڤێژا خۆ كر، يان به‌ر خه‌له‌ت بكه‌ت، و هه‌كه به‌ر خه‌له‌ت نه‌كر دێ نڤێژا وى ژ جان و روحان ڤالاكه‌ت، و وه‌لێ كه‌ت چو ژ نڤێژا خۆ تێنه‌گه‌هيت و بێ ئاگه‌هكه‌ت، و د ئه‌نجامدا ترس و خشوع تێدا نه‌بيت، ڤێجا دڤێت مه گه‌له‌ك ئاگه‌ه ژ خۆ هه‌بيت و ئه‌م رێكێ نه‌ده‌ينه ڤى شه‌يتانى بشێته مه و نڤێژێت مه ژ خێران ڤالا بكه‌ت و خودێ چێتر دزانيت.
