ب / ده‌ف ئه‌بو يوسف و موحه‌ممه‌د بن حه‌سه‌نى و ئيمامێ شافعي و ئه‌حمه‌دى دورسته و چو تێدا نينه ـ چ بۆ نڤێژا فه‌رز چ ژى بۆ يا سونه‌ت ـ. ده‌ف مالك و مالكيا نه‌باشه، و هه‌كه هه‌ر بخوينيت بلا د يا سونه‌تدا بيت.. نه‌يا فه‌رز، دا نه‌بيته چاڤلێكرنا نه‌موسلمانان د هه‌لگرتنا كتێبێت خۆ د نڤێژاندا. و ده‌ف ئيمام ئه‌بو حه‌نيفه(خودێ ژێ رازى بيت)، نه‌دورسته نه بۆ فه‌رزێ نه بۆ سونه‌تێ، به‌لێ پا بۆچۆنا دورست چو تێدا نينه و دورسته، ژبه‌ر كو ژ عائيشايێ دايكا مه موسلمانا خودێ ژێ رازى بيت) هاتيه: زه‌كوانى ره‌مه‌زانێ ئيمامه‌تى به‌راهيا وان دكر و ژ قورئانێ دخواند. ديسا زانايێ ناڤدار زوهرى خودێ ژێ رازى بيت) دبێژيت: باشێت مه ژ قورئانێ دخواند د فه‌رز و سونه‌تاندا وه‌كى ئێك و خودێ چێتر دزانيت.
