ب / هيڤيا من ئه‌وه ئه‌م دورست د نڤێژا خۆ بگه‌هين، و بزانين دڤێت هه‌ر جهێ ئه‌م لێ بين نڤێژا خۆ بپارێزين، و نه‌هێلين ژ مه بچيت، و ب چو ره‌نگان ئه‌م ل ده‌واتێ بين يان ل هه‌ر جهه‌كێ دى، به‌س يا فه‌ره نڤێژا مه يا ساخ و كارا بيت، مه ژ وان جهان بده‌ته پاش و دوير بێخيت ئه‌و جهێت دگه‌ل سنج و جان و روحا نڤێژێ نه‌گونجن، چونكى دڤێت نڤێژ مه ژ خرابيێ بده‌ته پاش هه‌كه نڤێژا راست و دورست بيت، چونكى خودايێ مه‌زن دبێژيت: (( وَأَقِمِ الصَّلَاةَ إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ)) ئانكو: وه‌سا نڤێژێ بكه وه‌كى فه‌رمانا ته پێ هاتيه‌كرن، ب راستى نڤێژ به‌رێ مرۆڤى ژ هه‌مى گونه‌هێت زێده پيس، و كريارێت نه دگه‌ل سروشتێ مرۆڤان، و كريارێت كرێت و نه‌شرين [ئه‌وێت شه‌ريعه‌تى دورست نه‌كرين] وه‌ردگێريت، و نڤێژ ژ هه‌مى په‌رستنێت دى مه‌زنتره، و خودێ دزانيت كا هوين چ دكه‌ن و خودێ چێتر دزانيت.
