ب / هندي سير و پيڤازن نه د حه‌رامن، و خوارنا وان يا دورسته و چو تێدا نينه، به‌س يا باش ئه‌وه مرۆڤ ده‌مێ نڤێژان خۆ ژێ بده‌ته پاش دا ئه‌زيه‌تا موسلمانان نه‌كه‌ت، و هه‌كه هه‌ر خوار يا باش ئه‌وه باش بێنه كه‌لاندن دا بێهنا وان بێته كوشتن، چونكى پێغه‌مبه‌رێ خۆشتڤى (سلاڤێت خودێ لێ بن) دبێژيت: ((هه‌كه هه‌ر دێ خۆن بمرينن ب كه‌لاندنێ))، و راستى پێغه‌مبه‌رێ خۆشتڤى (سلاڤێت خودێ لێ بن) نه‌دخوارن، نه چونكى د حه‌رامن.. به‌لكى ژبه‌ر تايبه‌تمه‌نديه‌كا وى، دگۆت: ((هوين بخون، ئه‌ز ناخۆم ژبه‌ر ملياكه‌تان))، به‌لێ يێ نه‌خۆش و ژبه‌ر نه‌خۆشيێ بخۆت يێ ده‌ستويردايه.
موغيرێ كورێ شوعبه‌ى دبێژيت: ئه‌ز هاتمه مزگه‌فتێ ركاعه‌ته‌ك ژ من چۆ بوو، من سير خواربوو، ده‌مێ ئه‌ز ب ژۆر كه‌فتيم بێهنا سيرێ چۆ پێغه‌مبه‌رێ خودێ (سلاڤێت خودێ لێ بن)، ڤێجا ده‌مێ نڤێژا خۆ ب دويماهى ئيناى، گۆت: ((هه‌ركه‌سێ ئه‌ڤ گيايه خوار بلا نێزيكى مه نه‌بيت هه‌تا بێهنا وێ نه‌به‌ت))، ئه‌ز هاتمه ده‌ف وى و من ده‌ستێ وى گرت و د هچكێ قه‌ميسآ خۆرا دانا سه‌ر زكێ خۆ، ديت يێ گرێدايه (د براساندا)، ئينا گۆته من: ((ته ده‌ستويرى يا هه‌ى و يێ بڤێت سيرێ و پيڤازێ بخۆت باشه، به‌رى وه‌ختێ نڤێژێ ب ده‌مه‌كى بخۆت و كه‌لاندى بخۆت و ده‌ڤێ خۆ باش بشۆت به‌رى ده‌ركه‌ڤيت دا كه‌س ئه‌زيه‌تا خۆ ژ بێهنا ده‌ڤێ وى نه‌بينيت)) و خودێ چێتر دزانيت.
