ب / هه‌ر كاره‌كێ هه‌بيت ب ئنيه‌تا خۆڤه يا گرێدايه، دويف گۆتنا پێغه‌مبه‌رێ خۆشتڤى (سلاڤێت خودێ لێ بن): ((ب راستى هه‌مى كار و كريار ب ئنيه‌تانه، و ب راستى بۆ هه‌ر مرۆڤه‌كى كا چ ئنيه‌ت ئينايه دێ ئه‌و بيت)). و ل دويف ڤێ حه‌ديسێ زانايێت مه دبێژن تو دشێى پتر ژ سونه‌ته‌كێ ب ئێك ئنيه‌ت بكه‌ى، و مرۆڤ دشێت سێ سونه‌تان ب ئێك ئنيه‌ت بكه‌ت، وه‌كى: سپێده‌يه و ته ده‌ستنڤێژا خۆ يا شويشتى و تو چۆيه د مزگه‌فتێڤه و ده‌مێ سونه‌تا سپێدێيه، بۆ ته هه‌يه سونه‌تا ده‌ستنڤێژێ و سلاڤا مزگه‌فتێ و سونه‌تا سپێدێ هه‌ر سێ سونه‌تان ب ئێك سونه‌ت و ئێك ئنيه‌ت بكه‌ى و خودێ چێتر دزانيت.
