ب / راسته ژ مافێت زه‌لامى ل سه‌ر ژنێ نابيت ئه‌و كه‌سێ بينيته د مالا ويڤه بێى ده‌ستويريا وى، و نابيت ئه‌و رۆژيا سونه‌ت بگريت ديسا بێى ده‌ستويريا وى و ئه‌و يێ ئاماده، هه‌روه‌كى پێغه‌مبه‌رێ خۆشتڤى (سلاڤێت خودێ لێ بن) دبێژيت: ((نه‌دورسته بۆ چو ژنان رۆژيا سونه‌ت بگريت و زه‌لامێ وێ يێ به‌رهه‌ڤ و حازر بيت ب ده‌ستويرا وى نه‌بيت، و نه‌دورسته ده‌ستويريا كه‌سێ بۆ مالا وى بده‌ت، ب ده‌ستويريا وى نه‌بيت)). به‌لێ هندێ ناراگه‌هينيت زه‌لام ب چيڤكۆره‌يى مافێ خۆ بخوازيت بێي كو وى مه‌خسه‌د و مه‌ره‌مه‌كا دورست هه‌بيت، هه‌كه وه‌كر يێ گونه‌هكاره، هه‌كه هاتنا ڤان ژنان چو خرابيێ نه‌گه‌هيننه وى و هه‌كه به‌رنڤێژكرنا ژنا وى پێشيا ڤان چو كێماسيێ نه‌گهينيته وى، وى ماف نينه خۆ نه‌رازيكه‌ت، دڤێت سه‌به‌بێ نه‌رازيبوونا وى يێ دورست و مه‌شروع بيت، هه‌كه نه.. ب چيڤكۆره‌يى ناچێبيت و خودێ چێتر دزانيت.
