ب / يا فه‌ره ئه‌م بزانين سه‌روه‌ت و سامانێ مرۆڤى نڤێژا مرۆڤيه، دڤێت ئه‌م زێده لێ هشيار بين و نه‌هێلين ژ مه بچيت، و ژێ خوساره‌ت ببين؛ چونكى هه‌كه ئه‌م د حسێبا نڤێژاندا سه‌ركه‌فتين ئه‌ڤه مزگينى بۆ مه هات دێ د حسێبا عيباده‌تێ ديدا سه‌ركه‌ڤين، به‌لێ خودێ نه‌كه‌ت هه‌كه ئه‌م د حسێبا نڤێژێدا سه‌ر نه‌كه‌فتين و خوساره‌ت بين.. ئه‌ڤه هنگى خوساره‌تيه‌كا مه‌زنه و ناهێته به‌ده‌لڤه‌كرن، ژبه‌ر هندێ دڤێت نڤێژكه‌ر گه‌له‌ك و گه‌له‌ك يێ ژ نڤێژا خۆ هشياربيت و ب وى ره‌نگى بكه‌ت يێ ئه‌مرێ وى پێ هاتيه‌كرن، و ل سه‌ر نڤێژێ دڤێت هه‌مى ئه‌ندامێت مرۆڤى ب نڤێژێڤه د گرێداى بن، و ژ وان: چاڤ، دڤێت چاڤێت مرۆڤى نه‌هێن و بچن، و دڤێت به‌رێ مرۆڤى ل جهێ سوجدا مرۆڤى بيت هه‌كه مرۆڤ يێ دويرى كه‌عبێ بيت و هه‌كه يێ نێزيكى كه‌عبێ بيت دڤێت به‌رێ مرۆڤى ل كه‌عبێ بيت و مرۆڤ نه‌هێليت چاڤێت مرۆڤى بهێن و بچن و مرۆڤى مژويل كه‌ن، و ژ نژنڤێژێ ڤه‌بريت و هزرێت مرۆڤى ژ نڤێژێ ده‌ربێخيت.
ئه‌نه‌س خودێ ژێ رازى بيت) دبێژيت: پێغه‌مبه‌رێ خودێ (سلاڤێت خودێ لێ بن) گۆت: ((هنده كه‌سان خێره د نڤێژێدا به‌رێ خۆ دده‌نه عه‌سمانى)). زێده نه‌هى كر هه‌تا گۆت: ((يان دێ ڤێ هێلن، يان خودێ دێ چاڤێت وان كۆره‌كه‌ت)). عائيشا دايكا مه موسلمانان خودێ ژێ رازى بيت) دبێژيت: من پسيارا زڤرينێ د نڤێژێدا ژ پێغه‌مبه‌رێ خودێ كر (سلاڤێت خودێ لێ بن) گۆت: ((ئه‌و دزيه‌كه شه‌يتان ژ نڤێژا به‌نده‌ى ددزيت)). ڤێجا فه‌ره ئه‌م رێكێ نه‌دينه شه‌يتانى نڤێژا مه بدزيت.
ديسا ئه‌نه‌س خودێ ژێ رازى بيت) دبێژيت: پێغه‌مبه‌رێ خودێ (سلاڤێت خودێ لێ بن) گۆته من: ((هشياربى د نڤێژێدا نه‌زڤرى، ب راستى زڤرين د نڤێژێدا ئه‌گه‌رێ هيلاكێيه، هه‌كه هه‌ر دێ زڤرى، بلا د سونه‌تێدا بيت نه د فه‌رزێدا)). و هه‌كه چاڤ ب تنێ بزڤريت و بۆ كاره‌كێ دورست، وه‌كى: ژن ده‌مێ نڤێژێ دكه‌ت چاڤێ وێ ل كورێ وێ بيت دا چو ب سه‌رى نه‌هێت چو تێدا نينه، به‌لێ ژبلى هه‌وجه‌ييكا شه‌رعى نه‌دورسته مرۆڤ خۆ ب به‌رێخۆدانا تشته‌كيڤه مژويلكه‌ت، هه‌كه هنگى كا تو چه‌ند مژويل بوويه و هزرا ته ژ نڤێژا ته ده‌ركه‌فتيه.. هندێ دێ ژ خێرا نڤێژێ بێ بار بى و خودێ چێتر دزانيت.
