ب/ دينێ مه دينه‌كێ واقعيه، و واقعيه‌ت د هه‌مى عيباده‌ت و شه‌نگستاندا يا ئاشكرايه، و خودێ دزانيت مرۆڤ دبيت هنده جاران ژبيركه‌ت، و ژبيركرن سروشتێ ويه و نه‌شێت خۆ ژ ڤى سروشتى بده‌ته پاش و دڤێت و نه‌ڤێت ژبيركرن سالۆخه‌ته‌كێ پێڤه‌گرێدايه، ژبه‌ر هندێ هه‌ر تشتێ ژ بيرا مرۆڤى بچيت ـ بێ ته‌خسيرى ـ خودێ ل مرۆڤى ناگريت.
بۆ ڤێ چه‌ندێ پێغه‌مبه‌رێ خۆشتڤى (سلاڤێت خودێ لێ بن) دبێژيت: ((خودێ ل ئوممه‌تا من ل سه‌ر ژبيركرنێ ناگريت)). و ئه‌ڤ خويشكه بلا گه‌له‌ك دلێ خۆ نه‌ئێشينيت هه‌كه ته‌خسيرى نه‌كربيت و نڤێژا خۆ ژبيركربيت خودێ لێ ناگريت و نه‌خۆشيا وێ ژبه‌ر ڤێ ژبيركرنێ نيشانا خێرێيه و دڤێت هه‌ستێ مرۆڤى يێ ب ڤى ره‌نگى بيت: هۆسا هه‌ست بكه‌ت ده‌مێ خێره‌ك ژێ دچيت و دڤێت هه‌روه‌ختێ بيرا مرۆڤى هاتێ مرۆڤى نڤێژا ژبيركرى، هنگى دڤێت مرۆڤ نڤێژێ بكه‌ت ـ هه‌كه ده‌ست بده‌ت و ده‌رفه‌ت يا گونجاى بيت ـ و هه‌كه ده‌رفه‌ت نه‌بوو، مرۆڤ دشێت گيرۆكه‌ت هه‌تا وه‌ختێ گونجاي و نڤێژا خۆ بكه‌ت ئه‌وا ژ بيرا مرۆڤى چۆى، هه‌روه‌كى د سه‌حيحێدا هاتى، پێغه‌مبه‌رێ خۆشتڤى (سلاڤێت خودێ لێ بن) دبێژيت: ((هه‌ركه‌سێ نڤێژ ژبيركر، بلا بكه‌ت هه‌كه بيرا وى هاتێ)) و خودێ چێتر دزانيت.
